ព័ត៌មានអន្ដរជាតិ
សមាជិកសភា អាល្លឺម៉ង់ ប្រាប់មូលហេតុអាចផ្ទុះសង្គ្រាមលោកលើកទី ៣
សមាជិកសភាមកពីគណបក្សឆ្វេងនិយមអាល្លឺម៉ង់លោក Gregor Gysi បាននិយាយកាលពីពេលថ្មីៗនេះថា ជម្លោះរវាងរុស្ស៊ី និងអ៊ុយក្រែនអាចត្រូវបានដោះស្រាយតាមរយៈការចរចា ប៉ុន្តែប្រសិនបើយើងព្យាយាមកម្ចាត់ភាគីរុស្ស៊ីដោយកម្លាំងណាមួយនោះ វាអាចនាំឲ្យផ្ទុះសង្គ្រាមលោកលើកទី ៣ ។
លោក Gysi បានប្រាប់កាសែតអាល្លឺម៉ង់ Spiegel ថា “រុស្ស៊ីមិនអាចចាញ់បានទេ ប្រសិនបើយើងព្យាយាមផ្ដោតលើកម្លាំងយោធា និងសព្វាវុធ ។ ប្រសិនបើយើងប៉ុនប៉ងធ្វើបែបនេះមែន វានឹងនាំទៅដល់សង្រ្គាមលោកលើកទី ៣ ហើយយើងមិនអាចឃាត់បានទេ” ។
លោក Gysi បានកត់សម្គាល់ថា “អ៊ុយក្រែនមានសិទ្ធិការពារខ្លួន ប៉ុន្តែភាគីទាំងពីរគួរតែចូលរួមក្នុងការចរចា ។ ទោះយ៉ាងណា អ៊ុយក្រែននឹងមិនអាចឈ្នះសង្គ្រាមជាមួយរុស្ស៊ីបានទេ” ។
ការចរចាររវាងរុស្ស៊ី និងអ៊ុយក្រែនបានចាប់ផ្តើមនៅចុងខែកុម្ភៈ នៅពេលដែលគណៈប្រតិភូបានជួបប្រជុំនៅប្រទេសបេឡារុស ។ ក្រោយមកនៅចុងខែមីនា គណៈប្រតិភូបានធ្វើការចរចាមួយទៀតនៅទីក្រុងអ៊ីស្តង់ប៊ុល ប្រទេសតួកគី ។
បន្ទាប់ពីកិច្ចប្រជុំនេះ ភាគីរុស្ស៊ីបានប្រកាសថា អ៊ុយក្រែនបានដាក់សំណើជាលាយលក្ខណ៍អក្សររបស់ខ្លួនសម្រាប់សន្ធិសញ្ញាសន្តិភាពនាពេលអនាគត ដែលក្រុងមូស្គូចាត់ទុកថាជាជំហានឆ្ពោះទៅមុខ ។
ប៉ុន្តែក្រោយមក រដ្ឋមន្ត្រីការបរទេសរុស្ស៊ីលោក Sergey Lavrov បាននិយាយថា អ៊ុយក្រែនបានបដិសេធសំណើររបស់ទីក្រុងមូស្គូ ហើយបានបង្កើតការញុះញង់ជាច្រើនដើម្បីបន្ថយដំណើរការចរចាសន្តិភាព ៕
ប្រែសម្រួលដោយ ៖ ជីវ័ន្ត
ប្រភព ៖ Sputnik
ចុចអាន ៖ លោក Zelensky ប្រកាសដណ្ដើមបានទឹកដីជាង ១ ពាន់គីឡូម៉ែត្រការ៉េបន្ថែមទៀត
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២៣ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង