បុរសម្នាក់ដុតខ្លួនឯង នៅក្បែរការិយាល័យនាយករដ្ឋមន្ត្រីជប៉ុន តវ៉ាពិធីបុណ្យសពថ្នាក់រដ្ឋរបស់លោក Abe (មានវីដេអូ)

ទូរទស្សន៍ Asahi បានរាយការណ៍នៅថ្ងៃពុធទី២១ខែកញ្ញានេះថា បុរសម្នាក់ដែលតវ៉ាចំពោះពិធីបុណ្យសពថ្នាក់រដ្ឋ សម្រាប់អតីតនាយករដ្ឋមន្ត្រីជប៉ុន Shinzo Abe បានដុតខ្លួនឯងនៅជិតការិយាល័យរបស់នាយករដ្ឋមន្ត្រី។

យោងតាមសេចក្តីរាយការណ៍បានឲ្យដឹងថា គាត់សន្លប់ ហើយមន្ត្រីប៉ូលិសម្នាក់ ដែលព្យាយាមពន្លត់ភ្លើង ក៏រងរបួសផងដែរ។ អ្នកទាំងពីរ ត្រូវបានបញ្ជូនទៅមន្ទីរពេទ្យ។

លោក Abe ត្រូវបានគេធ្វើឃាតកាលពីថ្ងៃទី ៨ ខែកក្កដា ហើយពិធីបុណ្យសពថ្នាក់រដ្ឋរបស់លោកនឹងធ្វើឡើងនៅថ្ងៃទី ២៧ ខែកញ្ញា ដោយមនុស្សប្រមាណ ៦,០០០ នាក់នៅប្រទេសជប៉ុន និងមកពីក្រៅប្រទេស គ្រោងនឹងចូលរួម។

ប៉ុន្តែការប្រឆាំងទៅនឹងព្រឹត្តិការណ៍នេះ បានកើនឡើងជាបន្តបន្ទាប់ដោយសារតែការមានការលាតត្រដាងថា ការសម្លាប់លោក Abe មានទំនាក់ទំនងរវាងគណបក្សប្រជាធិបតេយ្យសេរីដែលកំពុងកាន់អំណាច និងព្រះវិហារដ៏ចម្រូងចម្រាស។

ជនសង្ស័យនៅក្នុងការស្លាប់របស់លោក Abe និយាយថា ព្រះវិហារបានធ្វើឲ្យម្តាយរបស់គាត់ក្ស័យធន ហើយគាត់មានអារម្មណ៍ថា អតីតនាយករដ្ឋមន្ត្រីជប៉ុនបានគាំទ្រព្រះវិហារនោះ។

បច្ចុប្បន្ន ភាគច្រើននៃជនជាតិជប៉ុន បានប្រឆាំងទៅនឹងពិធីបុណ្យសពនេះ ជាមួយនឹងការតវ៉ាដែលបានគ្រោងទុករហូតដល់ថ្ងៃប្រារព្ធពិធី៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Reuters

ចុចអាន៖ មេប៉ូលិសជប៉ុន ប្រកាសលាលែងតំណែង ព្រោះមិនអាចការពារលោក Abe បាន