មេប៉ូលិសជប៉ុន ប្រកាសលាលែងតំណែង ព្រោះមិនអាចការពារលោក Abe បាន (មានវីដេអូ)

មេប៉ូលិសជាតិ របស់ប្រទេសជប៉ុន បាននិយាយនៅថ្ងៃព្រហស្បតិ៍ទី២៥ខែសីហានេះថា លោកនឹងលាលែងពីតំណែង ដើម្បីទទួលខុសត្រូវលើការបាញ់សម្លាប់អតីតនាយករដ្ឋមន្ត្រីជប៉ុន Shinzo Abe កាលពីខែមុន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សេចក្តីប្រកាសរបស់អគ្គស្នងការនគរបាលជាតិជប៉ុន លោក Itaru Nakamura បានកើតឡើងនៅពេលដែលទីភ្នាក់ងាររបស់គាត់ បានចេញផ្សាយរបាយការណ៍ ស្តីពីរបៀបដែលខ្លួនបរាជ័យក្នុងការជួយសង្គ្រោះជីវិតលោក Abe កាលពីថ្ងៃទី៨ខែកក្កដា នៅពេលលោក Abe ត្រូវបានគេធ្វើឃាតក្នុងទីក្រុង Nara ភាគខាងលិចប្រទេសជប៉ុន។

របាយការណ៍របស់ប៉ូលិស បានរកឃើញចន្លោះប្រហោងក្នុងការការពារលោក Abe ដែលអនុញ្ញាតឲ្យអ្នកវាយប្រហារ អាចបាញ់គាត់ពីខាងក្រោយបាន។

ទោះបីជាយ៉ាងណាក៏ដោយ លោក Nakamura មិន​បាន​បញ្ជាក់​អំពីពេលវេលាពិតប្រាកដ នៃការលាលែងរបស់គាត់នោះទេ។

ខ្មាន់កាំភ្លើងឈ្មោះ Tetsuya Yamagami ត្រូវបានចាប់ខ្លួននៅកន្លែងកើតហេតុ ហើយបច្ចុប្បន្នកំពុងស្ថិតក្រោមការវាយតម្លៃផ្លូវចិត្តរហូតដល់ចុងខែវិច្ឆិកា។ លោក Yamagami បានប្រាប់ប៉ូលិសថា លោកបានកំណត់គោលដៅលើលោក Abe ដោយសារតែអតីតមេដឹកនាំរូបនេះ មានទំនាក់ទំនងជាមួយក្រុមសាសនា ដែលគាត់ស្អប់៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ ABC News

ចុចអាន៖ ជប៉ុន កំណត់ថ្ងៃរៀបចំពិធីបុណ្យសពថ្នាក់រដ្ឋ សម្រាប់អតីតនាយករដ្ឋមន្ត្រីលោក Shinzo Abe