Connect with us

ព័ត៌មានអន្ដរជាតិ

លោក Shoigu ៖ រុស្ស៊ី កំពុងធ្វើសង្គ្រាមជាមួយបស្ចិមប្រទេស ច្រើនជាង អ៊ុយក្រែន

បានផុស

នៅ

នៅក្នុងសុន្ទរកថាតាមទូរទស្សន៍កាលពីថ្ងៃពុធ រដ្ឋមន្ត្រីការពារជាតិរុស្ស៊ីលោក Sergei Shoigu បាននិយាយថា រុស្ស៊ីកំពុងធ្វើសង្រ្គាមជាមួយលោកខាងលិច ច្រើនជាងធ្វើសង្គ្រាមជាមួយអ៊ុយក្រែន ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Sergei Shoigu បាននិយាយថា “តាម​ពិត​ទៅ យើង​កំពុង​ប្រយុទ្ធ​ប្រឆាំង​នឹង​ក្រុម​លោក​ខាង​លិច​ បូករួមនឹង​អង្គការណាតូមួយទៀត ។ យើងមានន័យថា ការផ្គត់ផ្គង់អាវុធដល់រដ្ឋាភិបាលទីក្រុងកៀវ មិនត្រឹមតែជាកញ្ចប់យោធាដ៏ធំតែមួយមុខនោះទេ ប៉ុន្តែវាក៏បូករួមទាំងអំពីប្រព័ន្ធទំនាក់ទំនង និងប្រព័ន្ធដំណើរការព័ត៌មានផងដែរ” ។

លោករដ្ឋមន្ត្រីការពារជាតិបាននិយាយទៀតថា បើគិតរហូតមកដល់ពេលនេះ ប្រទេសលោកខាងលិច ក៏ដូចជាអង្គការណាតូ កំពុងផ្គត់ផ្គង់ដល់ទីក្រុងកៀវនូវសព្វាវុធដ៏ច្រើនសន្ធឹកសន្ធាប់មិនធ្លាប់មាន ។

លោករដ្ឋមន្ត្រីបានបន្តថា កងកម្លាំងអ៊ុយក្រែនកំពុងប្រើប្រាស់អាវុធលោកខាងលិចកាន់តែខ្លាំងឡើង ដើម្បីតម្រង់គោលដៅទៅលើហេដ្ឋារចនាសម្ព័ន្ធស៊ីវិល រួមទាំងមន្ទីរពេទ្យផងដែរ ។

ជាងចុងក្រោយលោក Shoigu បានសង្កត់ធ្ងន់ថា ផ្កាយរណបយោធាជាង ៧០ និងផ្កាយរណបស៊ីវិលចំនួន ២០០ កំពុងធ្វើការដើម្បីជួយអ៊ុយក្រែន ហើយអ្នកឯកទេសយោធាលោកខាងលិចប្រហែល ១៥០ នាក់ត្រូវបានដាក់ពង្រាយទៅកាន់ទីក្រុងកៀវដើម្បីដឹកនាំកងកម្លាំងអ៊ុយក្រែន ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ តំបន់ផ្ដាច់ខ្លួនរបស់ អ៊ុយក្រែន ចំនួន ៤ នឹងបោះឆ្នោតចូលរួមជាមួយ រុស្ស៊ី

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម