Zelensky ថា ការកែនទ័ពរបស់លោក ពូទីន គឺ “ហៅមនុស្សឲ្យចូលផ្នូរ”

នៅក្នុងវីដេអូដែលបានចេញផ្សាយកាលពីថ្ងៃសៅរ៍ ប្រធានាធិបតីអ៊ុយក្រែនលោក Volodymyr Zelensky បាននិយាយថា “វាមិនមែនជារឿងចៃដន្យទេដែលការប្រកាសកែនទ័ពដោយលោក វ្ល៉ាឌីមៀរ ពូទីន ត្រូវបានហៅភ្លាមៗថាជា “ការកែនមនុស្សទៅចូលផ្នូរ” ដោយប្រទេសរុស្ស៊ីខ្លួនឯង ។

ដោយនិយាយជាភាសារុស្សី លោក Zelensky បានប្រាប់ថា “វាជាការប្រសើរសម្រាប់រុស្ស៊ីក្នុងការចុះចាញ់អ៊ុយក្រែនជាជាងត្រូវសម្លាប់ដោយការវាយប្រហារពីអាវុធរបស់អ៊ុយក្រែន ជាពិសេសវាជាការវាយប្រហារដោយយុត្តិធម៌បំផុត ដូចដែលអ៊ុយក្រែនការពារខ្លួននៅក្នុងសង្រ្គាមនេះ” ។

ទន្ទឹមនោះ លោកប្រធានាធិបតី Volodymyr Zelensky បាននិយាយថា ការកែនទ័ពបម្រុងមួយផ្នែករបស់រុស្ស៊ីបង្ហាញពីការដួលរលំនៃយោធារបស់លោក វ្ល៉ាឌីមៀរ ពូទីន ក្នុងប្រទេសអ៊ុយក្រែន ។

លោក Zelensky បាននិយាយនៅក្នុងសេចក្តីថ្លែងការណ៍មួយថា “អ៊ុយក្រែនបានគ្រប់គ្រងការផ្លាស់ប្តូរដំណើរនៃសង្រ្គាម ហើយវាក៏បង្ហាញឲ្យឃើញផងដែរថា យើងអាចឈ្នះ និងកំពុងឆ្ពោះទៅរកជ័យជម្នះ” ។

ជាចុងក្រោយលោកប្រធានាធិបតីបញ្ជាក់ថា “ការសម្រេចចិត្តរបស់រុស្ស៊ីលើការកែនទ័ពគឺជាការទទួលស្គាល់ដោយស្មោះត្រង់ថា កងទ័ពធម្មតារបស់ពួកគេដែលត្រូវបានរៀបចំអស់ជាច្រើនទសវត្សរ៍ដើម្បីកាន់កាប់ប្រទេសផ្សេងនោះ មិនបានសម្រេចនោះទេ ហើយកំពុងដួលរលំ” ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ លោក Zelensky ថា ការកែនទ័ពរបស់លោក ពូទីន បង្ហាញពី “ការដួលរលំ” របស់ រុស្ស៊ី នៅ អ៊ុយក្រែន