Connect with us

ព័ត៌មានអន្ដរជាតិ

ពិធីបុណ្យសពថ្នាក់រដ្ឋរបស់លោក Abe បានចាប់ផ្តើម ជាមួយវត្តមានភ្ញៀវបរទេសជាង​ ៧០០នាក់ 

បានផុស

នៅ

ប្រជាជន​ជប៉ុន​ បាន​ធ្វើ​ពិធី​លា​គ្នាជាលើកចុងក្រោយ​ដល់​នាយក​រដ្ឋមន្ត្រី​ដែល​កាន់​អំណាច​យូរ​បំផុត​របស់​ប្រទេស ​ក្នុង​ពិធី​បុណ្យ​សពថ្នាក់ជាតិ​របស់​លោក។ លោក Shinzo Abe ត្រូវ​បាន​គេ​បាញ់​សម្លាប់ ​ក្នុង​អំឡុង​ពេលលោកធ្វើយុទ្ធនការឃោសនាមួយកាលពី​ខែ​កក្កដា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មនុស្សជាង ៤០០០នាក់ បានប្រមូលផ្តុំគ្នានៅសាល Nippon Budokan កណ្តាលទីក្រុងតូក្យូ។ លោកនាយករដ្ឋមន្ត្រី Kishida Fumio រួមជាមួយប្រធានសភាជាន់ខ្ពស់ និងជាន់ទាប ព្រមទាំងប្រធានតុលាការកំពូល គឺមានវត្តមានក្នុងពិធីនេះ។

សាធារណជន ​បាន​ដាក់​កម្រង​ផ្កា​នៅ​ខាងក្រៅ​កន្លែង​គោរព​វិញ្ញាណក្ខន្ធ​។ ទង់​នៅ​ការិយាល័យ​រដ្ឋាភិបាល​ទូទាំង​ប្រទេស​ជប៉ុន ក៏​ត្រូវ​បាន​បង្ហូតពាក់កណ្តាលដងដែរ។

ភ្ញៀវបរទេសជាង៧០០នាក់ បានចូលរួមក្នុងព្រឹត្តិការណ៍នេះ ដោយក្នុងនោះរួមមានប្រមុខរដ្ឋនាពេលបច្ចុប្បន្ន និងអតីតប្រមុខរដ្ឋប្រហែល​ ៥០រូបផងដែរ។

ក្នុងចំណោមឥស្សរជនទាំងនោះរួមមាន អនុប្រធានាធិបតីអាមេរិកលោកស្រី Kamala Harris, នាយករដ្ឋមន្ត្រីឥណ្ឌាលោក Narendra Modi, នាយករដ្ឋមន្ត្រីសិង្ហបុរីលោក Lee Hsien Loong, នាយករដ្ឋមន្ត្រីអូស្ត្រាលីលោក Anthony Albanese, ប្រធានាធិបតីវៀតណាមលោក Nguyen Xuan Phuc, នាយករដ្ឋមន្ត្រីកូរ៉េខាងត្បូងលោក Han Duck-soo, អនុប្រធានាធិបតីហ្វីលីពីនលោកស្រី Sara Duterte-Carpio, អនុប្រធានាធិបតីឥណ្ឌូណេស៊ីលោក Ma’ruf Amin, ប្រធានក្រុមប្រឹក្សាអឺរ៉ុបលោក Charles Michel និងនាយករដ្ឋមន្ត្រីកម្ពុជា សម្តេចអគ្គមហាសេនាបតីតេជោ ហ៊ុន សែន៕

ប្រែសម្រួល៖ Vann Vann

ប្រភព៖ NHK

ចុចអាន៖ បុរសម្នាក់ដុតខ្លួនឯង នៅក្បែរការិយាល័យនាយករដ្ឋមន្ត្រីជប៉ុន តវ៉ាពិធីបុណ្យសពថ្នាក់រដ្ឋរបស់លោក Abe

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម