Connect with us

ព័ត៌មានអន្ដរជាតិ

មនុស្សរាប់លាននាក់ប្រាប់ឲ្យជម្លៀស ខណៈព្យុះសង្ឃរា Ian ជិតមកដល់រដ្ឋ Florida

បានផុស

នៅ

មនុស្សជាង ២.៥ លាននាក់ដែលរស់នៅតាមបណ្តោយឆ្នេរសមុទ្រ Gulf Coast ត្រូវបានគេប្រាប់ឲ្យជម្លៀស នៅពេលដែលព្យុះសង្ឃរា Ian ខិតជិតមកដល់រដ្ឋ Florida ខណៈពួកគេមួយចំនួនបានភៀសខ្លួនទៅកាន់ទីក្រុង Chicago រួចហើយដើម្បីគេចផុតពីព្យុះមួយនេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមនោះអាកាសយានដ្ឋាន Tampa Bay និងអាកាសយានដ្ឋានជាច្រើនផ្សេងទៀតក្នុងរដ្ឋ Florida ក៏ត្រូវបានបិទផងដែរ ខណៈខ្យល់ព្យុះត្រូវបានគេរំពឹងថា នឹងកើតមានពាសពេញឧបទ្វីបភាគខាងត្បូងនៅល្ងាចថ្ងៃពុធនេះ ។

ជាមួយនឹងកម្លាំងខ្យល់ព្យុះដែលលាតសន្ធឹងចម្ងាយ ២២៥ គីឡូម៉ែត្រពីចំណុចកណ្តាលរបស់វា, ព្យុះ Ian ត្រូវបានគេរំពឹងទុកថា នឹងមានការបំផ្លិចបំផ្លាញនៅទូទាំងតំបន់ធំៗនៃរដ្ឋ Florida ។

យោងតាមមជ្ឈមណ្ឌលគ្រប់គ្រងព្យុះសង្ឃរាជាតិអាមេរិក (NHC) បានឲ្យដឹងថា ខ្យល់បោកបក់ និងទឹកជំនន់នឹងបន្តធ្វើដំណើរឆ្ពោះទៅភាគខាងជើងដូចជា នៅរដ្ឋ South Carolina នាថ្ងៃសុក្រ ខណៈអ្នកជំនាញព្យាករណ៍ថានឹងមានកម្ពស់ទឹកដល់ទៅ ៣ ម៉ែត្រ អាស្រ័យលើជំនោរ ។

គួរបញ្ជាក់ថា Ian នឹងក្លាយជាព្យុះសង្ឃរាដ៏ធំដំបូងគេដែលបោកបក់ចូលរដ្ឋ Florida ចាប់តាំងពីព្យុះប្រភេទទី ៥ ដែលគេស្គាល់ថា Michael បានវាយប្រហាររដ្ឋក្នុងឆ្នាំ ២០១៨ ដែលបណ្តាលឲ្យមានការខូចខាតក្នុងទំហំទឹកប្រាក់ ២៥ ពាន់លានដុល្លារ និងសម្លាប់មនុស្សយ៉ាងហោចណាស់ ៤៥ នាក់ ៕

ប្រែសម្រួលដោយ ៖ ជីវ័ន្ត

ប្រភព ៖ Yahoo.news

ចុចអាន ៖ ថៃ ព្រមានព្យុះទីហ្វុង Noru នឹងមកដល់ល្ងាចថ្ងៃស្អែក

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម