ព័ត៌មានអន្ដរជាតិ

អតីតទីប្រឹក្សា ត្រាំ ថា លោកខាងលិច និងរុស្សី ធ្វើសង្គ្រាមលោកលើកទី ៣ យូរមកហើយ

បានផុស

៤ years មុន

នៅ

ថ្ងៃចន្ទ ៣ តុលា ២០២២

ដោយ

លោកស្រី Fiona Hill អតីតទីប្រឹក្សាសេតវិមានបានប្រាប់ទស្សនាវដ្តី New Yorker កាលពីពេលថ្មីៗនេះថា ប្រទេសលោកខាងលិចបានធ្វើសង្គ្រាមលោកលើកទី ៣ ជាមួយប្រទេសរុស្ស៊ីអស់រយៈពេលជាយូរមកហើយ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រី Hill ដែលបានបម្រើការនៅក្នុងក្រុមប្រឹក្សាសន្តិសុខជាតិរបស់លោក Donald Trump អំឡុងឆ្នាំ ២០១៩ បាននិយាយថា “យើងបានស្ថិតនៅក្នុងរឿងនេះជាយូរមកហើយ គ្រាន់តែយើងមិនបានទទួលស្គាល់វា” ។

លោកស្រី Hill បានទទួលស្គាល់ថា សហរដ្ឋអាមេរិកបានគាំទ្រអ៊ុយក្រែនជាមួយនឹងជំនួយយោធាដ៏ច្រើនសន្ធឹកសន្ធាប់ ចាប់តាំងពីបដិវត្តន៍ Maidan ឆ្នាំ ២០១៤ ដោយនាំឲ្យរុស្ស៊ីដណ្តើមយកផ្នែកនៃភាគខាងកើតអ៊ុយក្រែន បញ្ចូលតំបន់គ្រីមៀរ និងជម្លោះអូសបន្លាយផ្សេងទៀតជាដើម ។

លោកស្រីបញ្ជាក់ទៀតថា រុស្ស៊ី និងអាមេរិកក៏បានប្រឈមមុខនឹងភាគីប្រឆាំងនៃសង្គ្រាមស៊ីវិលស៊ីរីដែរ ហើយជាបន្តបន្ទាប់វិមានក្រឹមឡាំងបានចាប់ផ្តើមយុទ្ធនាការសម្ងាត់ ដើម្បីបង្វែរការបោះឆ្នោតលោកខាងលិច និងធ្វើឲ្យភាពតានតឹងផ្ទៃក្នុងកាន់តែធ្ងន់ធ្ងរឡើង ។

ក្រោយមកលោក ពូទីន បានចេញការព្រមានមួយ បន្ទាប់ពីការបាត់បង់សមរភូមិដ៏ធំ និងការធ្លាក់ចុះផ្នែកយោធាសម្រាប់ប្រទេសរុស្ស៊ី ដោយថ្មីៗនេះ អ៊ុយក្រែនបានដណ្តើមកាន់កាប់ទឹកដី ២,៣២០ គីឡូម៉ែត្រការ៉េពីប្រទេសរុស្ស៊ី ។ ការបាត់បង់នេះបានជំរុញឲ្យលោក ពូទីន ប្រកាសកែនទ័ពមួយផ្នែកក្នុងប្រទេសឲ្យចូលទៅយោធារុស្ស៊ី និងបង្រួបបង្រួមការគ្រប់គ្រងទឹកដីរបស់ខ្លួននៅក្នុងតំបន់ Donbas តាមរយៈការបោះឆ្នោតប្រជាមតិ ។

ស្របពេលជាមួយគ្នានេះ រុស្ស៊ីបានដឹងហើយថា បច្ចុប្បន្នខ្លួនកំពុងធ្វើសង្រ្គាមជាមួយអង្គការណាតូនៅអ៊ុយក្រែន ហើយលោក ពូទីន បានប្តេជ្ញាថានឹងប្រើ “មធ្យោបាយដែលមានទាំងអស់” ដើម្បីការពារទឹកដីរបស់ខ្លួន រួមទាំងអតីតតំបន់អ៊ុយក្រែនចំនួន ៤ ដែលបានចូលជាសមាជិកសហព័ន្ធរុស្ស៊ីកាលពីពេលថ្មីៗនេះផងដែរ ៕

ប្រែសម្រួលដោយ ៖ ជីវ័ន្ត

ប្រភព ៖ RT

ចុចអាន ៖ រុស្ស៊ី ដកទ័ពចេញពីទីក្រុងភាគខាងកើត អ៊ុយក្រែន