ព័ត៌មានអន្ដរជាតិ
ចារកម្ម អាមេរិក ថា អ៊ុយក្រែន ជាអ្នកសម្លាប់កូនស្រីមនុស្សជំនិតរបស់លោក ពូទីន
ចារកម្មអាមេរិកជឿថា ការបំផ្ទុះគ្រាប់បែករថយន្តនៅទីក្រុងមូស្គូដែលបានសម្លាប់នាង Darya Dugina កូនស្រីរបស់លោក Aleksander Dugin ដែលជាមនុស្សជំនិតលោកប្រធានាធីបតី វ្ល៉ាឌីមៀ ពូទីន កាលពីខែសីហា មានជាប់ពាក់ព័ន្ធនឹងរដ្ឋាភិបាលអ៊ុយក្រែន ។
ទន្ទឹមនោះកាសែត New York Times ក៏បានរាយការណ៍កាលពីពេលថ្មីៗនេះដែរថា ផ្នែកខ្លះនៃរដ្ឋាភិបាលអ៊ុយក្រែនបានអនុញ្ញាតឲ្យមានការវាយប្រហារដោយគ្រាប់បែកក្នុងរថយន្តសម្លាប់អ្នកកាសែតរុស្ស៊ីវ័យ ៣០ ឆ្នាំរូបនេះ” ។
មន្ត្រីចារកម្មអាមេរិកដែលសុំមិនបញ្ចេញឈ្មោះបានអះអាងថា ទីក្រុងវ៉ាស៊ីនតោនមិនបានជាប់ពាក់ព័ន្ធក្នុងមធ្យោបាយណាមួយនៃប្រតិបត្តិការនេះឡើយ និងបានប្រឆាំងដាច់ខាតនឹងផែនការទាំងអស់ ហើយក្រោយមកសហរដ្ឋអាមេរិកក៏បានព្រមានមន្ត្រីអ៊ុយក្រែនជុំវិញហេតុការណ៍ដ៏រន្ធត់នេះផងដែរ រួមទាំងផែនការធ្វើឃាតឪពុករបស់នាងគឺលោក Aleksander Dugin ដូចគ្នា ។
ស្របពេលជាមួយគ្នានេះ រុស្ស៊ីក៏បានស្ដីបន្ទោសចារកម្មអ៊ុយក្រែនចំពោះការសម្លាប់នេះផងដែរ ប៉ុន្តែទីប្រឹក្សាប្រធានាធិបតីអ៊ុយក្រែនលោក Mykhailo Podolyak បានបដិសេធថា ប្រទេសរបស់លោកមិនជាប់ពាក់ព័ន្ធនឹងករណីណាមួយក្នុងហេតុការណ៍នោះទេ ។
គួររំឭកថា ឧបទ្ទវហេតុនៃការផ្ទុះឆេះរថយន្តម៉ាក Land Cruiser Prado ដែលសម្លាប់នាង Darya Dugina បានកើតឡើងកាលពីថ្ងៃទី ២០ ខែសីហា នៅលើផ្លូវហាយវេមួយកន្លែងចម្ងាយប្រហែល ២០ គីឡូម៉ែត្រភាគខាងលិចនៃទីក្រុងមូស្គូ ៕
ប្រែសម្រួលដោយ ៖ ជីវ័ន្ត
ប្រភព ៖ RT
ចុចអាន ៖ អាមេរិក ចោទមហាអំណាច ២ នេះថាបើកដៃឲ្យ កូរ៉េខាងជើង បាញ់មីស៊ីល
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង