ព័ត៌មានអន្ដរជាតិ
យន្តហោះចម្បាំង កូរ៉េខាងជើង ហោះជិតព្រំដែន កូរ៉េខាងត្បូង ក្រោយទើបបាញ់មីស៊ីល
កូរ៉េខាងជើងបានហោះហើរយន្តហោះចម្បាំងចំនួន ១២ គ្រឿងនៅជិតព្រំដែនជាមួយប្រទេសកូរ៉េខាងត្បូងកាលពីថ្ងៃព្រហស្បតិ៍ ដោយបានជំរុញឲ្យទីក្រុងសេអ៊ូលប្រញាប់ប្រញាលបញ្ជូនយន្តហោះយោធាចំនួន ៣០ គ្រឿងទៅវិញដើម្បីជាការឆ្លើយតប ។
ហេតុការណ៍ដ៏មិនធម្មតានេះបានកើតឡើងប៉ុន្មានម៉ោងប៉ុណ្ណោះ បន្ទាប់ពីកូរ៉េខាងជើងបានបាញ់មីស៊ីលផ្លោងចំនួន ២ គ្រាប់ចូលទៅក្នុងសមុទ្រ និងជាការបាញ់សាកល្បងមីស៊ីលគ្រាប់ទី ៦ របស់ខ្លួនក្នុងរយៈពេលតិចជាង ២ សប្តាហ៍ ចំពេលមានភាពតានតឹងនៅឧបទ្វីបកូរ៉េ ។
យោងតាមប្រព័ន្ធផ្សព្វផ្សាយ Yonhap បានឲ្យដឹងថា យន្តហោះចម្បាំងកូរ៉េខាងជើងចំនួន ៨ គ្រឿង និងយន្តហោះទម្លាក់គ្រាប់បែកចំនួន ៤ គ្រឿងត្រូវបានគេជឿថា ហោះហើរក្នុងទម្រង់ធ្វើសមយុទ្ធបាញ់គ្រាប់ពិតពីលើអាកាសមកដីគោក ហើយបានធ្វើឡើងនៅភាគខាងជើងនៃព្រំដែនអាកាសអន្តរកូរ៉េ ។
ប្រព័ន្ធផ្សព្វផ្សាយបានរាយការណ៍ទៀតថា សកម្មភាពរបស់កូរ៉េខាងជើងបានកើតឡើង បន្ទាប់ពីទីក្រុងសេអ៊ូល និងវ៉ាស៊ីនតោនកាលពីពេលថ្មីៗនេះបានធ្វើសមយុទ្ធផ្លូវអាកាស ជើងគោក និងជើងទឹក ដើម្បីឆ្លើយតបទៅនឹងការបាញ់មីស៊ីលជាបន្តបន្ទាប់របស់កូរ៉េខាងជើង ៕
ប្រែសម្រួលដោយ ៖ ជីវ័ន្ត
ប្រភព ៖ PBS
ចុចអាន ៖ អាមេរិក ចោទមហាអំណាច ២ នេះថាបើកដៃឲ្យ កូរ៉េខាងជើង បាញ់មីស៊ីល
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង