ផ្ទុះកូវីដនៅហាងខារ៉ាអូខេក្រុងបាងកក បុគ្គលិក ២១ នាក់តេស្តវិជ្ជមាន

បុគ្គលិក ២១ នាក់នៃហាងខារ៉ាអូខេមួយកន្លែងនៅទីក្រុងបាងកកបានធ្វើតេស្តវិជ្ជមានជំងឺកូវីដ ១៩ បន្ទាប់ពីមនុស្សម្នាក់មកពីខេត្ត Nonthaburi ដែលឆ្លងជំងឺនេះបានទៅទីនោះ ។

លោក Pongsakorn Kwanmuang អ្នកនាំពាក្យការិយាល័យរដ្ឋបាលក្រុងបាងកក (BMA) បាននិយាយថា បុគ្គលិកចំនួន ៣៩ នាក់ក្នុងចំណោមបុគ្គលិក ៧៥ នាក់នៃហាងខារ៉ាអូខេ Nong Mai ត្រូវបានគេធ្វើតេស្តរកជំងឺកូវីដ ១៩ ហើយក្នុងនោះ ២១ នាក់ត្រូវបានរកឃើញថាមានផ្ទុកវីរុសនេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មជ្ឈមណ្ឌលគ្រប់គ្រងស្ថានភាពជំងឺកូវីដ ១៩ របស់ BMA នៅតែកំពុងតាមដានមនុស្សដែលបានទៅភោជនីយដ្ឋាន Isarn Krongkaew និងហាងខារ៉ាអូខេ Nong Mai អំឡុងថ្ងៃទី ១៥ ដល់ ៣០ ខែធ្នូ ។ ការផ្ទុះឡើងនេះបានចាប់ផ្តើមនៅពេលដែលអ្នកឆ្លងជំងឺនេះមកពី ខេត្ត Nonthaburi បានទៅកន្លែងទាំងនោះ ។

ក្រោយរកឃើញករណីថ្មីចំនួន ២១ ករណី និង ១៧ ករណីកាលពីថ្ងៃពុធ ទីក្រុងបាងកកបានកត់ត្រាការឆ្លងជំងឺកូវីដ ១៩ សរុបនៅក្នុងរាជធានីនេះឡើងដល់ ១២៥ ។

គួរបញ្ជាក់ថា គិតត្រឹមពេលនេះប្រទេសថៃមានករណីឆ្លងជំងឺកូវីដ ១៩ ចំនួន ៦,៦៩០ ករណី និងមានអ្នកស្លាប់ចំនួន ៦១ នាក់ ៕

ប្រែសម្រួលដោយ ៖ ជីវ័ន្ត

ប្រភព ៖ Bangkok Post

ចុចអាន ៖ ក្រោយផ្ទុះកូវីដខ្លាំង ថៃបញ្ជាទិញវ៉ាក់សាំងក្រុមហ៊ុន AstraZeneca

ចុចអាន ៖ ថៃត្រៀមផលិតវ៉ាក់សាំងកូវីដសម្រាប់ចែកចាយប្រទេសជិតខាង