ព័ត៌មានអន្ដរជាតិ
ផ្ទុះបាតុកម្មនៅទីក្រុងប៉ារីស ទាមទារឲ្យ បារាំង ចេញពីណាតូ និង EU (មានវីដេអូ)
ប្រព័ន្ធផ្សព្វផ្សាយអន្តរជាតិបានរាយការណ៍កាលពីពេលថ្មីៗនេះថា ហ្វូងបាតុករដ៏ច្រើនបានដើរពេញកណ្តាលទីក្រុងប៉ារីស ទាមទារឲ្យប្រទេសបារាំងចាកចេញពីអង្គការណាតូ និងសហភាពអឺរ៉ុប (EU) ចំពេលមានវិបត្តិថាមពលកាន់តែធ្ងន់ធ្ងរ ។
ការហែក្បួននេះត្រូវបានរៀបចំឡើងដោយគណបក្ស Les Patriotes ដឹកនាំដោយលោក Florian Philippot ដែលជាអតីតអនុប្រធាននៃគណបក្ស National Rally របស់លោកស្រី Marine Le Pen ។ យោងតាមលោក Philippot ដែលជាសមាជិកសភាអឺរ៉ុប ចន្លោះឆ្នាំ ២០១៤ និង ២០១៩ បានប្រាប់បណ្តាញទូរទស្សន៍រុស្ស៊ី RT ថា ការប្រមូលផ្ដុំគ្នានេះត្រូវបានដាក់ឈ្មោះថា “ការជួបជុំជាតិនៃការតស៊ូ” ហើយបានទាក់ទាញអ្នកចូលរួមរាប់ពាន់នាក់ ។
បាតុករបានគ្រវីទង់ជាតិ ក៏ដូចជាកាន់បដាទាំងតូច ទាំងធំដែលសរសេរថា ‘កាតស៊ូ’ និង ‘Frexit’ មានន័យថា ការទាមទារឲ្យបារាំងចាកចេញពីសហភាពអឺរ៉ុប (EU) ។
យោងតាមវីដេអូដែលបង្ហោះដោយលោក Philippot នៅលើប្រព័ន្ធផ្សព្វផ្សាយសង្គមបានឲ្យដឹងថា ហ្វូងមនុស្សកំពុងស្រែកថា “តោះចេញពីណាតូ!” ហើយពួកគេក៏បានទាមទារឲ្យមានការបណ្តេញប្រធានាធិបតីបារាំងលោក Emmanuel Macron ចេញពីតំណែងផងដែរ នៅពេលដែលពួកគេបានដើរក្បួននៅជិតអគារសភា ។
ទន្ទឹមនោះ ក្រុមអ្នកតវ៉ាបានរិះគន់អង្គការណាតូថា “កំពុងបញ្ឆេះសង្គ្រាម” ក៏ដូចជា “ធ្វើឲ្យប៉ះពាល់ផ្នែកសេដ្ឋកិច្ច” ជាពិសេសគឺការរឹតបន្តឹងផ្នែកថាមពល និងសុខភាព ដោយសារតែការដាក់ទណ្ឌកម្មរបស់ EU លើប្រទេសរុស្ស៊ីជុំវិញជម្លោះនៅអ៊ុយក្រែន ។
គួរបញ្ជាក់ថា ភាពចលាចលនេះបានកើតឡើង នៅពេលដែលប្រទេសបារាំងកំពុងតែតស៊ូទប់ទល់នឹងវិបត្តិថាមពលដែលកំពុងបន្ត ដោយសារតែគោលនយោបាយដាក់ទណ្ឌកម្មរបស់សហភាពអឺរ៉ុប ខណៈកាលពីខែមុន ប្រធាននិយតករថាមពលបារាំង CRE បានព្រមានថា គ្រួសារឯកជនអាចប្រឈមនឹងការដាច់ចរន្តអគ្គិសនី ដោយសារតែវិបត្តិថាមពល ជាពិសេសនឹងជួបអាកាសធាតុត្រជាក់ខ្លាំងបំផុត នៅពេលរដូវរងាចូលមកដល់ ៕
សូមទស្សនាវីដេអូ!
ប្រែសម្រួលដោយ ៖ ជីវ័ន្ត
ប្រភព ៖ RT
ចុចអាន ៖ លោក ត្រាំ ប្រាប់រឿងចាំបាច់បញ្ចៀសការផ្ទុះសង្គ្រាមលោកលើកទី ៣
-
សេចក្ដីជូនដំណឹង៦ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៥ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា១៨ ម៉ោង agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
សេដ្ឋកិច្ច៧ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា១ សប្តាហ៍ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៦ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៧ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ១ សប្តាហ៍ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ