ហ្វីលីពីន ប្រើវិធីគួរឲ្យសើច តែមានប្រសិទ្ធភាព ការពារសិស្សលួចចម្លងគ្នា ពេលប្រលង

និស្សិតនៅក្នុងប្រទេសហ្វីលីពីន បានពាក់មួកដែលមានការរចនាប្លែកៗ ដើម្បីការពារពួកគេ មិនឲ្យលួចមើលអ្នកដទៃអំឡុងពេលប្រឡង mid-term។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គ្រូបង្រៀននៅសាលាមួយក្នុងទីក្រុង Legazpi នៃប្រទេសហ្វីលីពីន បានប្រាប់សិស្សរបស់ពួកគេ ឲ្យពាក់មួក ដើម្បីបង្ហាញពីភាពស្មោះត្រង់របស់ពួកគេ នៅក្នុងការប្រឡង ប៉ុន្តែបានអនុញ្ញាតឲ្យពួកគេ រចនាម៉ូដតាមដែលពួកគេពេញចិត្ត។

ដូច្នេះ និស្សិតក៏បានបង្កើតឧបករណ៍ផលិតដោយដៃ ដើម្បីយកទៅគ្របក្បាលរបស់ពួកគេ ដោយអ្នកខ្លះធ្វើឧបករណ៍ពីប្រអប់ដាក់ស៊ុត ក្រដាសកាតុង និងសម្ភារកែច្នៃផ្សេងទៀត ព្រមទាំងស្រោមមុខ Halloween និងមួកសុវត្ថិភាពផងដែរ។

សាស្ត្រាចារ្យ Mandane-Ortiz ​បាន​បង្ហោះ​រូបភាព ចេញ​ពី​បន្ទប់​រៀន​នៅ​មហាវិទ្យាល័យ​វិស្វកម្ម​ Bicol University College of Engineering ដែលបង្កឲ្យមានការផ្ទុះសំណើច និងចាប់អារម្មណ៍យ៉ាងខ្លាំង។

លោកស្រី Mandane-Ortiz បានប្រាប់ BBC ថា លោកស្រីកំពុងស្វែងរកវិធីរីករាយ ដើម្បីធានាថា មិនមានការលួចចម្លងគ្នានៅក្នុងថ្នាក់រៀន ហើយវិធីសាស្ត្រនេះគឺ “មានប្រសិទ្ធភាព”៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ ការប្រលងបាក់ឌុបនៅខេត្តប៉ៃលិន ឆ្នាំ២០២១ មាន២​មណ្ឌល ស្មើនឹង២១បន្ទប់ និងមានបេក្ខជនចំនួន៥០៥នាក់​