ព័ត៌មានអន្ដរជាតិ
អឺរ៉ុប ផ្ដល់ជំនួយថាមពល ៩៧៥ លានដុល្លារ ដល់តំបន់បាល់កង់ខាងលិច
សហភាពអឺរ៉ុបកាលពីថ្ងៃព្រហស្បតិ៍បានប្រកាសផ្តល់កញ្ចប់ជំនួយថាមពលចំនួន ១ ពាន់លានអឺរ៉ូ (៩៧៥ លានដុល្លារ) ជួយដល់តំបន់បាល់កង់ខាងលិច ដើម្បីដោះស្រាយវិបត្តិថាមពលដែលកំពុងកើនឡើងនៅអឺរ៉ុប ។
ប្រធានគណៈកម្មការអឺរ៉ុប លោកស្រី Ursula von der Leyen និយាយថា ការផ្តល់ជំនួយ ១ ពាន់លានអឺរ៉ូនេះ គឺដើម្បីការពារក្រុមដែលងាយរងគ្រោះ និងជំរុញការវិនិយោគលើថាមពលផ្សេងៗ ខណៈបច្ចុប្បន្ន អឺរ៉ុប កំពុងតែវិនិយោគលើសេដ្ឋកិច្ច ដើម្បីឈានទៅដល់ការទទួលបានការផ្លាស់ប្តូរថាមពលស្អាត កាន់តែបៃតង និងមាននិរន្តរភាព ។
ស្របពេលជាមួយគ្នានេះ ដើម្បីដោះស្រាយផលប៉ះពាល់ភ្លាមៗនៃវិបត្តិថាមពល គណៈកម្មការអឺរ៉ុប ត្រៀមផ្តល់ជំនួយថវិកាលើកទី ១ ចំនួន ៥០០ លានអឺរ៉ូ សម្រាប់វិធានការដែលត្រូវអនុម័តក្នុងខែធ្នូ ហើយនឹងអនុវត្តនៅក្នុងខែមករាខាងមុខ ។
ទន្ទឹមនឹងនោះ សហភាពអឺរ៉ុបក៏មានគោលបំណង ជួយគាំទ្រដល់គ្រួសារ ក៏ដូចជា សហគ្រាសធុនតូច និងមធ្យម ដើម្បីទប់ទល់នឹងការដំឡើងថ្លៃថាមពលផងដែរ ។
ជាមួយគ្នានោះ អឺរ៉ុប នឹងផ្តល់ប្រាក់ចំនួន ៥00 លានអឺរ៉ូបន្ថែមទៀត ដើម្បីជំរុញការបង្កើតថាមពលកកើតឡើងវិញ និងការភ្ជាប់ទំនាក់ទំនងគ្នារវាងឧស្ម័ន និងអគ្គិសនី តាមរយៈក្របខ័ណ្ឌវិនិយោគបាល់កង់ខាងលិច ដែលជាគំនិតផ្តួចផ្តើមរបស់សហភាពអឺរ៉ុប ។
ដោយឡែក ចំពោះវិធានការរយៈពេលខ្លី ពោល ១ ទៅ ២ ឆ្នាំខាងមុខ អឺរ៉ុបនឹងគាំទ្រដល់ការផ្គត់ផ្គង់ថាមពល ដោយការជំរុញទំនាក់ទំនងរវាងឧស្ម័ន និងអគ្គិសនី រួមទាំងឧស្ម័នធម្មជាតិរាវ ក៏ដូចជា គាំទ្រដល់ការសាងសង់គម្រោងថាមពលកកើតឡើងវិញ និងវិធានការប្រសិទ្ធភាពថាមពលផងដែរ ។
ចំពោះ ជំនួយរយៈពេលមធ្យមក្នុងរយៈពេល ២ ទៅ ៣ ឆ្នាំខាងមុខ នឹងរួមបញ្ចូលការវិនិយោគ ដែលរួមចំណែកដល់ការផ្លាស់ប្តូរថាមពល និងសន្តិសុខ ជាពិសេសនឹងគ្របដណ្តប់លើគម្រោងបង្កើតថាមពលកកើតឡើងវិញទ្រង់ទ្រាយធំ ការធ្វើឲ្យប្រសើរឡើងនៃប្រព័ន្ធបញ្ជូនថាមពល និងគម្រោងថាមពលផ្សេងៗទៀតជាដើម ៕
ប្រែសម្រួលដោយ ៖ នាង រតនៈ
ប្រភព ៖ Anadolu
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង