Connect with us

ព័ត៌មានអន្ដរជាតិ

ប្រមុខ​ UN ព្រមានថា ពិភពលោកកំពុងស្ថិតនៅលើផ្លូវល្បឿនលឿនឆ្ពោះទៅ “ឋាននរក” 

បានផុស

នៅ

នៅឯកិច្ចប្រជុំកំពូល COP27 ក្នុងប្រទេសអេហ្ស៊ីប កាលពីថ្ងៃចន្ទទី០៧ខែវិច្ឆិកា អគ្គលេខាធិការអង្គការសហប្រជាជាតិ (UN) លោក Antonio Guterres បានព្រមានថា ពិភពលោកត្រូវតែជ្រើសរើសថាតើត្រូវកាត់បន្ថយការបំភាយឧស្ម័ន ឬថ្កោលទោសមនុស្សជំនាន់ក្រោយចំពោះគ្រោះមហន្តរាយអាកាសធាតុ។

អគ្គលេខាធិការអង្គការសហប្រជាជាតិ លោក Antonio Guterres
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

“មនុស្សជាតិមានជម្រើស៖ សហការ ឬវិនាស”។ លោក Guterres បានប្រាប់បែបនេះ ទៅកាន់គណៈប្រតិភូ ដែលជួបជុំគ្នាដើម្បីពិភាក្សាអំពីវិធីប្រយុទ្ធប្រឆាំងនឹងការផ្លាស់ប្តូរ ចំពេលមានជម្លោះយោធាដែលកំពុងបន្តរវាងរុស្ស៊ី និងអ៊ុយក្រែន ព្រមទាំងការកើនឡើងអតិផរណាពិភពលោក និងកង្វះថាមពលផងដែរ។

លោក Guterres ទទូចថា ប្រទេសដែលមានជាងគេ និងក្រីក្របំផុតរបស់ពិភពលោក ត្រូវតែបង្កើតកតិកាសញ្ញាមួយ ដើម្បីពន្លឿនការផ្លាស់ប្តូរពីឥន្ធនៈហ្វូស៊ីល ដោយជំរុញប្រទេសចិន និងសហរដ្ឋអាមេរិក ខិតខំធ្វើឲ្យកិច្ចព្រមព្រៀងនេះក្លាយជាការពិត។

លោក Guterres បន្តថា “ការបំភាយឧស្ម័នផ្ទះកញ្ចក់បន្តកើនឡើង។ សីតុណ្ហភាពសកលនៅតែបន្តកើនឡើង ហើយភពផែនដីរបស់យើងកំពុងខិតជិតដល់ចំណុចកំពូល ដែលនឹងធ្វើឲ្យភាពវឹកវរអាកាសធាតុមិនអាចត្រលប់វិញបានឡើយ។ យើងកំពុងស្ថិតនៅលើផ្លូវល្បឿនលឿនឆ្ពោះទៅកាន់ឋាននរក”។

លោក Guterres ក៏បានចង្អុលបង្ហាញផងដែរថា ពិភពលោកត្រូវតែសម្រេចឲ្យបាននូវការបំភាយឧស្ម័នសូន្យត្រឹមឆ្នាំ២០៥០ ប្រសិនបើប្រទេសហត្ថលេខីនៃកិច្ចព្រមព្រៀងអាកាសធាតុទីក្រុងប៉ារីសឆ្នាំ២០១៥ មានបំណងសម្រេចបាននូវគោលដៅរយៈពេលវែងរបស់ពួកគេក្នុងការរក្សាសីតុណ្ហភាពពិភពលោកមិនឲ្យកើនឡើងលើសពី ១.៥ដឺក្រេ លើសពីកម្រិតមុនឧស្សាហកម្ម៕

ប្រែសម្រួល៖ Vann Vann

ប្រភព៖ RT

ចុចអាន៖ បើកមហាសន្និបាត UN, លោក Guterres ថ្លែងថា ពិភពលោក កំពុងស្ថិតក្នុងគ្រោះថ្នាក់

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ជីវិតកម្សាន្ដ៧ ម៉ោង មុន

មិនទាន់តែងតាំងជាទូតសុឆន្ទៈ តែ J-Hope ត្រូវគេប្រសិទ្ធនាមជាស្ដេចម៉ូដរបស់យីហោ LV

ព័ត៌មានជាតិ៧ ម៉ោង មុន

កងពលតូច​ថ្មើរជើង​លេខ ៤២ យោធភូមិភាគ​៤ ត្រូវ​បន្ត​យកចិត្តទុកដាក់ លើ​ការងារ​បង្កបង្កើនផល និង​ចិញ្ចឹមសត្វ

ព័ត៌មានជាតិ៧ ម៉ោង មុន

តំបន់​ប្រតិបត្តិការ​សឹក​រង​ឧ​ត្ត​រ​មានជ័យ បន្ត​យកចិត្តទុកដាក់​លើ​ការងារ​កសាង​អង្គភាព តាម​ផែនការ​របស់​ថ្នាក់លើ

កីឡា៧ ម៉ោង មុន

នគរបាលជាតិ ផ្លាស់ប្ដូរ​សមាសភាព​ដឹកនាំ​ក្លិប​បាល់ទាត់ ត្រៀម​រដូវ​កាល​ថ្មី

ជីវិតកម្សាន្ដ៨ ម៉ោង មុន

បែកគ្នាជាង ២០ថ្ងៃ Aum ទើបទម្លាយការពិតពីក្រោយរឿងដាច់ចំណងស្នេហ៍ជាមួយសង្សារហាយសូរ

Sokha Hotels

ព័ត៌មានពេញនិយម