ព័ត៌មានអន្ដរជាតិ
លោក ពូទីន៖ ទាហានរុស្ស៊ី ៥ម៉ឺននាក់ដែលកែនបាន ពេលនេះកំពុងប្រយុទ្ធនៅ អ៊ុយក្រែន
ប្រធានាធិបតីរុស្ស៊ី លោក វ្ល៉ាឌីមៀរ ពូទីន បាននិយាយកាលពីថ្ងៃចន្ទទី០៧ខែវិច្ឆិកាថា ទាហានរុស្ស៊ីចំនួន ៥០ ០០០នាក់ដែលត្រូវបានកែន ក្នុងយុទ្ធនាការរបស់គាត់ ឥឡូវនេះកំពុងប្រយុទ្ធជាមួយអង្គភាពធ្វើសង្គ្រាមនៅក្នុងប្រទេសអ៊ុយក្រែន។

លោក ពូទីន និយាយថា ទាហាន ៨០ ០០០ នាក់គឺស្ថិតនៅក្នុងតំបន់នៃប្រតិបត្តិការយោធាពិសេស ហើយទាហាននៅសល់ជិត ៣២០ ០០០ នាក់គឺស្ថិតនៅជំរំហ្វឹកហាត់ក្នុងប្រទេសរុស្ស៊ី។
សារព័ត៌មាន Interfax បានដកស្រងសម្តីលោក ពូទីន ដែលនិយាយអំឡុងដំណើរទស្សនកិច្ចទៅកាន់តំបន់ Tver នៅខាងក្រៅទីក្រុងមូស្គូថា “ឥឡូវនេះយើងមានទាហាន ៥០ ០០០នាក់ នៅក្នុងអង្គភាពប្រយុទ្ធរបស់ពួកគេ។ អ្នកនៅសល់គឺមិនទាន់បានចូលរួមក្នុងការប្រយុទ្ធនៅឡើយទេ”។

កាលពីខែកញ្ញា លោក ពូទីន បានប្រកាសពីយុទ្ធនាការ “កែនទ័ពដោយផ្នែក” ដើម្បីហៅអ្នកប្រយុទ្ធថ្មីរាប់រយពាន់នាក់សម្រាប់សង្គ្រាម បន្ទាប់ពីអ៊ុយក្រែនដណ្តើមបានទឹកដីដ៏ច្រើនសន្ធឹកសន្ធាប់វិញនៅក្នុងការវាយលុក។
ទង្វើនេះ បណ្តាលឲ្យជនជាតិរុស្សីរាប់សែននាក់រត់គេចខ្លួន និងបង្កឲ្យមានការតវ៉ាប្រឆាំងសង្គ្រាមនៅទូទាំងប្រទេស។

កាលពីសប្តាហ៍មុន លោកពូទីននិយាយថា ទាហាសរុប ៣១៨ ០០០នាក់ត្រូវបានកែន នៅក្នុងយុទ្ធនាការនេះ។
ប្រទេសរុស្ស៊ីបានបញ្ចប់ការកែនទ័ពមួយផ្នែកកាលពីចុងខែតុលា ដោយរដ្ឋមន្ត្រីការពារជាតិលោក Sergei Shoigu បាននិយាយកាលពីថ្ងៃទី២៨ខែតុលាថា យុទ្ធជនរុស្ស៊ីប្រហែល ៤១ ០០០នាក់ បានចូលរួមជាមួយអង្គភាពប្រយុទ្ធរបស់ពួកគេរួចហើយ៕
ប្រែសម្រួល៖ Vann Vann
ប្រភព៖ Reuters
ចុចអាន៖ ទីបំផុត លោក ស៊ី ព្រមានដោយផ្ទាល់ទៅលោក ពូទីន កុំឲ្យប្រើនុយក្លេអ៊ែរនៅ អ៊ុយក្រែន

-
ព័ត៌មានអន្ដរជាតិ៤ ថ្ងៃ ago
ព្រះអង្គម្ចាស់អារ៉ាប៊ីសាអូឌីត ដែលសន្លប់២០ឆ្នាំ ពេលនេះ សោយទិវង្គតហើយ
-
ព័ត៌មានអន្ដរជាតិ៣ ថ្ងៃ ago
រដ្ឋមន្ត្រីអប់រំថៃ ស្លៀកខោខូវប៊យរហែកជង្គង់ ពេលធ្វើគណអធិបតីអង្គប្រជុំ ត្រូវគេរិះគន់ពេញប្រទេស
-
ព័ត៌មានជាតិ៥ ថ្ងៃ ago
អគ្គនាយកស៊ីម៉ាក់បង្ហាញរូបភាពទ័ពថៃជីកដីដាក់មីនខណៈនៅឡាំប៉ាចោទកម្ពុជា
-
ព័ត៌មានអន្ដរជាតិ៣ ថ្ងៃ ago
មេភូមិភាគ២ថៃ ប្រកាសលែងចាំស្តាប់បញ្ជារដ្ឋាភិបាលក្រុងបាងកកទៀតហើយ រឿងឆ្លើយតបជាមួយកម្ពុជា
-
ព័ត៌មានអន្ដរជាតិ១ ថ្ងៃ ago
ថៃ បាក់មុខមិនស្ទើរ ក្នុងកិច្ចប្រជុំជាមួយអនុព័ន្ធយោធាអន្តរជាតិ ស្តីពីបញ្ហាទាហានខ្លួនជាន់មីន
-
ព័ត៌មានជាតិ២ ថ្ងៃ ago
កម្ពុជាប្រាប់ថៃឱ្យបញ្ឈប់រាល់សកម្មភាពឯកតោភាគីនៅក្នុងតំបន់ជម្លោះ
-
ព័ត៌មានអន្ដរជាតិ៨ ម៉ោង ago
អត់ខ្មាស់ពិភពលោក បាញ់មកកម្ពុជាមុន តែ ផែថងតាន ថា ខាងខ្លួនខំអត់ធ្មត់ និងចាស់ទុំជាងគេទៅវិញ
-
បច្ចេកវិទ្យា៤ ថ្ងៃ ago
ជោគជ័យលើសពីការរំពឹងទុក! OPPO Reno14 Series 5G First Sale Event មានមនុស្សចូលរួមច្រើនធ្វើឲ្យកក្រើកពេញផ្សារ AEON MALL តែម្តង