ព័ត៌មានអន្ដរជាតិ
អ្វីគួរដឹងអំពីកិច្ចប្រជុំកំពូល G20 នៅ ឥណ្ឌូណេស៊ី ដែលចាប់ផ្តើមថ្ងៃនេះ
នៅថ្ងៃអង្គារទី១៥ខែវិច្ឆិកានេះ មេដឹកនាំនៃក្រុមប្រទេស G20 ដែលជាប្រទេសសេដ្ឋកិច្ចធំៗរបស់ពិភពលោក នឹងជួបជុំគ្នានៅលើកោះបាលី របស់ប្រទេសឥណ្ឌូណេស៊ី សម្រាប់កិច្ចប្រជុំកំពូលប្រចាំឆ្នាំដែលគ្របដណ្តប់ដោយបញ្ហានៃការលុកលុយរបស់រុស្ស៊ី នៅអ៊ុយក្រែន។
ថ្វីបើប្រធានាធិបតីរុស្ស៊ី លោក វ្ល៉ាឌីមៀរ ពូទីន សម្រេចចិត្តមិនចូលរួមក៏ដោយ ប៉ុន្តែរុស្ស៊ី នឹងត្រូវបានតំណាងដោយរដ្ឋមន្ត្រីការបរទេសជើងចាស់ លោក Sergei Lavrov។
ក្រុម G20 ដែលបង្កើតឡើងដោយប្រទេសចំនួន ១៩ បូកនឹងសហភាពអឺរ៉ុប គឺរួមចំណែកជិត ២ភាគ៣នៃចំនួនប្រជាជនពិភពលោក, ៨៥%នៃទិន្នផលសេដ្ឋកិច្ចពិភពលោក និង ៧៥%នៃពាណិជ្ជកម្មពិភពលោក។
គិតត្រឹមឆ្នាំ២០២២ មានសមាជិកចំនួន២០នៅក្នុងក្រុមនេះដូចជា៖ អាហ្សង់ទីន អូស្ត្រាលី ប្រេស៊ីល កាណាដា ចិន បារាំង អាល្លឺម៉ង់ ឥណ្ឌា ឥណ្ឌូណេស៊ី អ៊ីតាលី កូរ៉េខាងត្បូង ជប៉ុន ម៉ិកស៊ិក រុស្ស៊ី អារ៉ាប៊ីសាអូឌីត អាហ្វ្រិកខាងត្បូង តួកគី ចក្រភពអង់គ្លេស សហរដ្ឋអាមេរិក និងសហភាពអឺរ៉ុប។
ក្រៅពីសុន្ទរកថាសំខាន់ៗរបស់មេដឹកនាំពិភពលោក, កិច្ចពិភាក្សាទ្វេភាគីក៏នឹងត្រូវធ្វើឡើងផងដែរចំពេលមានភាពតានតឹងជាសកល រួមមានការលុកលុយនៅអ៊ុយក្រែន និងការធ្លាក់ចុះសេដ្ឋកិច្ចពិភពលោក វិបត្តិអាកាសធាតុ កម្មវិធីនុយក្លេអ៊ែរដែរបស់កូរ៉េខាងជើង និងមហិច្ឆតាជាសកលរបស់ប្រទេសចិន។
ព្រឹត្តិកាណ៍នេះ គឺជាការជួបជុំដ៏ធំបំផុតរបស់ក្រុមមេដឹកនាំ ចាប់តាំងពីការផ្ទុះជំងឺរាតត្បាតកូវីដ១៩ ហើយឥណ្ឌូណេស៊ីដែលជាម្ចាស់ផ្ទះ បានកំណត់របៀបវារៈដោយផ្តោតលើការស្តារសេដ្ឋកិច្ចឡើងវិញពីជំងឺរាតត្បាត វិធានការសុខភាពសកល និងថាមពលប្រកបដោយនិរន្តរភាព។
ក្រៅពីប្រធានាធិបតីអាមេរិកលោក Joe Biden និងប្រធានាធិបតីចិន លោក Xi Jinping, មេដឹកនាំពិភពលោកផ្សេងទៀតដែលចូលរួម រួមមាន ប្រធានាធិបតីឥណ្ឌូណេស៊ីលោក Joko Widodo, នាយករដ្ឋមន្ត្រីកាណាដាលោក Justin Trudeau, នាយករដ្ឋមន្ត្រីជប៉ុនលោក Fumio Kishida, នាយករដ្ឋមន្ត្រីឥណ្ឌាលោក Narendra Modi, នាយករដ្ឋមន្ត្រីអូស្ត្រាលីលោក Anthony Albanese, ប្រធានាធិបតីកូរ៉េខាងត្បូងលោក Yoon Suk-Yeol, អធិការបតីអាល្លឺម៉ង់លោក Olaf Scholz, ប្រធានាធិបតីបារាំងលោក Emmanuel Macron, ប្រធានាធិបតីអាហ្រ្វិកខាងត្បូងលោក Cyril Ramaphosa, ប្រធានាធិបតីតួកគីលោក Recep Tayyip Erdogan, ប្រធានាធិបតីអាហ្សង់ទីនលោក Alberto Fernandez, រដ្ឋមន្ត្រីការបរទេសម៉ិកស៊ិកលោក Marcelo Ebrard និងនាយករដ្ឋមន្ត្រីអ៊ីតាលីលោកស្រី Giorgia Meloni។
ប្រធានាធិបតីប្រេស៊ីលផុតអាណត្តិលោក Jair Bolosonaro នឹងមិនចូលរួមទេ។ ចំណែកសហភាពអឺរ៉ុបនឹងត្រូវបានតំណាងដោយលោកស្រី Ursula von der Leyen និងលោកស្រី Charles Michel។
គួរបញ្ជាក់ថា សម្រាប់កិច្ចប្រជុំកំពូលលើកនេះ មេដឹកនាំពិភពលោក នឹងមិនមានការថតរូបជាលក្ខណៈគ្រួសារជាផ្លូវការទេ ដោយសារតែការមិនពេញចិត្តចំពោះវត្តមានរបស់រុស្ស៊ី៕
ប្រែសម្រួល៖ Vann Vann
ប្រភព៖ Guardian
ចុចអាន៖ មេដឹកនាំពិភពលោក នឹងមិនថតរូបជុំគ្នាទេ ក្នុងកិច្ចប្រជុំកំពូល G20 នៅ ឥណ្ឌូណេស៊ី
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង