ព័ត៌មានអន្ដរជាតិ

មេដឹកនាំពិភពលោក នឹងមិនថតរូបជុំគ្នាទេ ក្នុងកិច្ចប្រជុំកំពូល G20 នៅ ឥណ្ឌូណេស៊ី (មានវីដេអូ)

បានផុស

៣ years មុន

នៅ

ថ្ងៃចន្ទ ១៤ វិច្ឆិកា ២០២២

ដោយ

មេដឹកនាំពិភពលោកនឹងមិនចូលរួមក្នុង “ការថតរូបគ្រួសារ” ជាផ្លូវការទេ នៅពេលពួកគេជួបគ្នាក្នុងកិច្ចប្រជុំកំពូល G20 លើកោះបាលី ដោយសារតែការមិនពេញចិត្តចំពោះវត្តមានរបស់រុស្ស៊ីនៅឯកិច្ចប្រជុំកំពូលនេះ។

វាជាទម្លាប់សម្រាប់មេដឹកនាំពិភពលោក ក្នុងការឈររួមគ្នាសម្រាប់រូបថតបើកចំហ នៅដើមកិច្ចប្រជុំកំពូល។ ប៉ុន្តែនឹងមិនមានការថតរូបឡើយ នៅក្នុងកិច្ចប្រជុំកំពូលដែលរៀបចំដោយឥណ្ឌូណេស៊ីឆ្នាំនេះ បើទោះបីជាប្រធានាធិបតីរុស្ស៊ី លោក វ្ល៉ាឌីមៀរ ពូទីន បានប្រកាស ថាលោកនឹងមិនចូលរួមក៏ដោយ។

យ៉ាងណាក្តី រដ្ឋមន្ត្រីការបរទេសរុស្ស៊ីលោក Sergei Lavrov នឹងចូលរួមជំនួស។

ប្រហែលជាមានសម្ពាធសម្រាប់ថ្នាក់ដឹកនាំផ្សេងទៀតក្នុងការមិនចូលរួម ប្រសិនបើលោក ពូទីន សម្រេចចិត្តធ្វើដំណើរទៅកោះបាលី។

រដ្ឋមន្ត្រីហិរញ្ញវត្ថុលោកខាងលិច បានដើរចេញពីកិច្ចប្រជុំ G20 កាលពីខែមេសា ដើម្បីបង្ហាញពីការប្រឆាំងរបស់ពួកគេចំពោះវត្តមានរុស្ស៊ី។

ប្រធានាធិបតីរុស្ស៊ី លោក វ្ល៉ាឌីមៀរ ពូទីន

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គួរបញ្ជាក់ថា ប្រធានាធិបតីអ៊ុយក្រែនលោក Volodymyr Zelensky ត្រូវបានអញ្ជើញឲ្យថ្លែងសុន្ទរកថានៅក្នុងកិច្ចប្រជុំកំពូលស្ទើរតែទាំងអស់។ លោកក៏បាននិយាយដែរថា លោកនឹងមិនចូលរួមកិច្ចប្រជុំ G20 នេះទេ ប្រសិនបើលោកពូទីនមានវត្តមាន៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Guardian

ចុចអាន៖ ឥណ្ឌូណេស៊ី ស្វាគមន៍លោក បៃដិន ជាមួយរបាំប្រពៃណីដល់ព្រលានយន្តហោះ