Connect with us

ព័ត៌មានអន្ដរជាតិ

រញ្ជួយដីនៅឥណ្ឌូណេស៊ី ស្លាប់មនុស្ស២០នាក់ របួស៣០០នាក់

បានផុស

នៅ

មន្ត្រីក្នុងតំបន់បាននិយាយថា មនុស្សរហូតដល់២០នាក់បានស្លាប់ បន្ទាប់ពីគ្រោះរញ្ជួយដីកម្រិត៥.៦រ៉ិចទ័រ វាយប្រហារខេត្ត West Java របស់ប្រទេសឥណ្ឌូណេស៊ី នៅថ្ងៃចន្ទទី២១ខែវិច្ឆិកានេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Herman Suherman មន្ត្រីរដ្ឋាភិបាលមកពីទីក្រុង Cianjur ក្នុងខេត្ត West Java ដែលជាចំណុចកណ្តាលនៃការរញ្ជួយ បានប្រាប់ទូរទស្សន៍ MetroTV ថា ក្រៅពីមនុស្ស២០នាក់ស្លាប់ មានមនុស្ស៣០០នាក់ទៀតរងរបួស ហើយចំនួនអ្នកស្លាប់អាចកើនឡើងបន្ថែមទៀត។

យោងតាមទីភ្នាក់ងារអាកាសធាតុ និងភូគព្ភសាស្ត្រ (BMKG), ការរញ្ជួយដីនេះ បានវាយប្រហារនៅចម្ងាយប្រហែល៧៥គីឡូម៉ែត្រភាគអាគ្នេយ៍នៃរដ្ឋធានី Jakarta ហើយមានជម្រៅ ១០គីឡូម៉ែត្រ។ យ៉ាងណាក្តី មិនមានហានិភ័យសម្រាប់រលកយក្សស៊ូណាមិនោះទេ។

នៅក្នុងសេចក្តីថ្លែងការណ៍មួយ ទីភ្នាក់ងារគ្រោះមហន្តរាយជាតិ បាននិយាយថា ផ្ទះជាច្រើនខ្នង និងសាលាបង្រៀនសាសនាឥស្លាម នៅក្នុងតំបន់នោះ ត្រូវរងការខូចខាត។

BMKG និយាយថា ក្នុងរយៈពេលពីរម៉ោងបន្ទាប់ពីការរញ្ជួយដី មានការរង្គើចំនួន ២៥លើក ត្រូវបានកត់ត្រាទុក៕

ប្រែសម្រួល៖ Vann Vann

ប្រភព៖ Reuters

ចុចអាន៖ រញ្ជួយដីវាយប្រហារកោះស៊ូម៉ាត្រា ចំពេលមេដឹកនាំពិភពលោក កំពុងប្រជុំ G20 នៅ បាលី

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ជីវិតកម្សាន្ដ៦ នាទី មុន

ក្រុម Apink នឹងត្រលប់មកវិញ ជាមួយអាល់ប៊ុមថ្មីនៅឆ្នាំ ២០២៣

ព័ត៌មានអន្ដរជាតិ១២ នាទី មុន

លោក ពូទីន បញ្ជាក់ច្បាស់ៗពីមូលហេតុ ដែលរុស្ស៊ី វាយប្រហារហេដ្ឋារចនាសម្ព័ន្ធអ៊ុយក្រែន

កីឡា៣៨ នាទី មុន

មាន៤ពិន្ទុដូចគ្នា គ្រាប់បាល់កាត់កងក៏ស្មើគ្នា ចុះហេតុអ្វី កូរ៉េខាងត្បូងឡើង អ៊ុយរូហ្គាយធ្លាក់?

សន្តិសុខសង្គម៤២ នាទី មុន

សមត្ថកិច្ចឃាត់ខ្លួនជនសង្ស័យ​៧នាក់ ជាបន្តបន្ទាប់ ពាក់ព័ន្ធករណីកាច់កម៉ូតូ​ និងប្លន់ប្រដាប់អាវុធ

កីឡា៥៣ នាទី មុន

អត្តពលិកប្រណាំងម៉ូតូ Kara ៤៨នាក់ នឹងចូលរួមប្រកួតប្រជែង​ដណ្ដើមពានរង្វាន់​ប្រណាំងម៉ូតូ​លើវាលរាប

Sokha Hotels

ព័ត៌មានពេញនិយម