Connect with us

ព័ត៌មានអន្ដរជាតិ

លោកស្រី Tsai Ing-wen លាលែងតំណែងជាប្រធានគណបក្សភ្លាមៗ ក្រោយចាញ់ការបោះឆ្នោតថ្នាក់តំបន់

បានផុស

នៅ

ប្រធានាធិបតីតៃវ៉ាន់លោកស្រី Tsai Ing-wen បានលាលែងពីតំណែងជាប្រធានគណបក្សវឌ្ឍនភាពប្រជាធិបតេយ្យ (DPP) ដែលកំពុងកាន់អំណាចកាលពីថ្ងៃសៅរ៍ បន្ទាប់ពីចាញ់ការបោះឆ្នោតថ្នាក់តំបន់ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការបោះឆ្នោតជ្រើសរើសអភិបាលក្រុង អភិបាលស្រុក និងសមាជិកក្រុមប្រឹក្សាមូលដ្ឋាន គឺផ្ដោតលើបញ្ហាក្នុងស្រុក ដូចជា ជំងឺរាតត្បាតកូវីដ ១៩ និងឧក្រិដ្ឋកម្ម ហើយអ្នកដែលជាប់ឆ្នោត នឹងមិនមានសិទ្ធិសម្រេចអ្វីទាក់ទងនឹងគោលនយោបាយរបស់ប្រទេសចិនដោយផ្ទាល់នោះទេ ។

ប៉ុន្តែលោកស្រី Tsai បាននិយាយថា ទោះយ៉ាងណាការបោះឆ្នោតនេះ ក៏បង្ហាញឲ្យពិភពលោកមើលពីរបៀបដែលតៃវ៉ាន់នឹងការពារលទ្ធិប្រជាធិបតេយ្យរបស់ខ្លួន ចំពេលមានភាពតានតឹងផ្នែកយោធាជាមួយចិន ដែលចាត់ទុកកោះនេះជាផ្នែកមួយនៃទឹកដីរបស់ខ្លួន ។

ចំណែកអ្នកទទួលបានជ័យជម្នះនៅក្នុងការបោះឆ្នោតនោះ បានទៅលើគណបក្សប្រឆាំងធំជាងគេនៅតៃវ៉ាន់គឺគណបក្ស គូមីនតាង (KMT) ដោយដណ្ដើមបានតំណែងអភិបាលក្រុង និងអភិបាលស្រុកចំនួន ១៣ កៅអីក្នុងចំណោម ២១ កៅអី រួមទាំងទីក្រុងតៃប៉ិផងដែរ ខណៈគណបក្ស DPP ទទួលបានតែ ៥ កៅអីប៉ុណ្ណោះ ។

ទន្ទឹមនោះ លោកស្រី Tsai បានប្រាប់អ្នកយកព័ត៌មាននៅឯទីស្នាក់ការគណបក្សថា “លទ្ធផលពេលនេះគឺខុសពីការរំពឹងទុករបស់យើង ។ យើងទទួលយកលទ្ធផលបរាជ័យនេះ ហើយក៏ទទួលយកការសម្រេចចិត្តរបស់ប្រជាជនតៃវ៉ាន់ផងដែរ” ។

គួរបញ្ជាក់ថា ការប្រកាសលាលែងពីតំណែងជាប្រធានគណបក្ស DPP ក៏កើតឡើង ស្របពេលដែលលោកស្រី Tsai មិនអាចឈរឈ្មោះជាប្រធានាធិបតីបានទៀតទេ ដោយសារតែការកំណត់អាណត្តិប្រធានាធិបតីនៅតៃវ៉ាន់គឺបានត្រឹមតែ ២ អាណត្តិប៉ុណ្ណោះ ខណៈបច្ចុប្បន្នលោកស្រីកំពុងកាន់តំណែងអាណត្តិទី ២ របស់លោកស្រី ៕

ប្រែសម្រួលដោយ ៖ ជីវ័ន្ត

ប្រភព ៖ Reuters

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា១០ នាទី មុន

សំបុត្រ VIP ទស្សនាការប្រកួតរវាង Messi និង Ronaldo តម្លៃខ្ពស់កប់ក្ដោង

ព័ត៌មានជាតិ២៧ នាទី មុន

ក​.​ប​.​ប ចុះ​ពិសោធន៍​ផលិតផល​ត្រី​ប្រ​ម៉ា​ហើម​និង​ត្រីងៀត​គ្រប់​ប្រភេទ​នៅ​ស្រុក​ក្រគរ​រក​ពុំ​ឃើញ​មាន​សារ​ធាតុគីមី

ព័ត៌មានជាតិ១ ម៉ោង មុន

មន្ទីរសាធារណការខេត្តបន្ទាយមានជ័យចុះផ្សព្វផ្សាយច្បាប់ចរាចរណ៍ផ្លូវគោក ដើម្បី​ជំនួយស្មារតី​ដល់​អ្នកបើកបរ

ជីវិតកម្សាន្ដ១ ម៉ោង មុន

ស្ថាប័ន Miss Grand ថៃ ប្រកាសមិនអនុញ្ញាតឱ្យអតីត Miss Universe ចូលរួមប្រកួតកម្មវិធីរបស់ខ្លួន

ព័ត៌មានជាតិ២ ម៉ោង មុន

ទេសរដ្ឋមន្ត្រី លី ធុជ ចាត់​ទុក​ជំនួយ​របស់​ចិន គឺជា​ផ្នែក​ដ៏​សំខាន់​ក្នុង​ដំណើរការ​ឆ្ពោះទៅ​កម្ពុជា​គ្មាន​មីន​ឆ្នាំ​២០២៥

Sokha Hotels

ព័ត៌មានពេញនិយម