ព័ត៌មានអន្ដរជាតិ
សង្ស័យជាការសងសឹកឲ្យលោក Soleimani យន្តហោះមួយគ្រឿងហោះលើអគារ Capitol របស់អាមេរិក
ភ្នាក់ងារ FBI កំពុងស៊ើបអង្កេតការគំរាមកំហែងមួយទាក់ទងនឹងការហោះហើរយន្តហោះលើអគារ Capitol អាមេរិកនៅថ្ងៃពុធនេះ ហើយបានចាត់ទុកវាថាជាការសងសឹកចំពោះការធ្វើឃាតមេបញ្ជាការយោធាកំពូលអ៊ីរ៉ង់លោកឧត្តមសេនីយ៍ Qasem Soleimani ។
ប៉ុន្តែប្រព័ន្ធផ្សព្វផ្សាយអាមេរិកបានរាយការណ៍ដោយដកស្រង់ប្រភពជាច្រើនថា ការគំរាមកំហែងនេះមើលទៅមិនអាចជឿទុកចិត្តបានទេ ខណៈពេលដែលវាមិនទាន់ច្បាស់ថាតើអ្នកណាបានផ្ញើសារគំរាមកំហែងនោះផងដែរ ។
ស្របពេលជាមួយគ្នានេះសារ “សងសឹក” ត្រូវបានរាយការណ៍ជាលើកដំបូងដោយសារព័ត៌មាន CBS News ដែលបាននិយាយថា ខ្លួនបានទទួលកាសែតម៉ាញ៉េនៃការគំរាមកំហែងនេះ ។ សារនោះបាននិយាយថា “យើងកំពុងហោះហើរទៅអគារ Capitol នៅថ្ងៃពុធនេះ ។ លោក Soleimani នឹងត្រូវសងសឹក” ។
ប្រភពបានបន្ថែមទៀតថា អាជ្ញាធរមិនចាត់ទុកនោះថាជាការគំរាមកំហែងគួរឲ្យទុកចិត្តបានទេ ហើយវាត្រូវបានគេបង្ហាញថាជាការរំលោភលើប្រេកង់អាកាសចរណ៍ ។ ការរំលោភបំពានបែបនេះបង្កឲ្យមានការព្រួយបារម្ភ ព្រោះវាអាចប៉ះពាល់ដល់ការណែនាំដែលទទួលបានដោយអាកាសយានិក ។ យោងតាមឆានែលនោះបានឲ្យដឹងថា អ្នកត្រួតពិនិត្យចរាចរណ៍ផ្លូវអាកាសត្រូវបានរំឭកឲ្យរាយការណ៍ជាបន្ទាន់នូវរាល់ការគំរាមកំហែង ឬការបង្វែរយន្តហោះចេញពីគន្លងហោះហើររបស់ខ្លួន ។
កាលពីថ្ងៃទី ៣ ខែមករា អ៊ីរ៉ង់បានចូលរួមមរណទុក្ខខួបមួយឆ្នាំនៃការស្លាប់របស់លោក Soleimani ដែលត្រូវបានសម្លាប់នៅក្នុងការវាយប្រហារដោយយន្តហោះដ្រូនរបស់អាមេរិកដែលបញ្ជាផ្ទាល់ដោយប្រធានាធិបតីអាមេរិក Donald Trump ។
ក្រោយមកមន្ត្រីអ៊ីរ៉ង់ក៏បានព្រមានម្តងហើយម្តងទៀតអំពីការវាយប្រហារសងសឹកវិញផងដែរ ។ កាលពីខែកញ្ញា មេបញ្ជាការឆ្មាំបដិវត្តអ៊ីរ៉ង់លោក Hossein Salami បាននិយាយនៅលើគេហទំព័ររបស់ឆ្មាំថា ក្រុងតេអេរ៉ង់នឹងសងសឹកសហរដ្ឋអាមេរិកចំពោះការសម្លាប់មេបញ្ជាការកំពូលរបស់ខ្លួនគឺឧត្តមសេនីយ Qasem Soleimani ដោយផ្តោតលើអ្នកដែលពាក់ព័ន្ធនៅក្នុងការសងសឹកនេះ ។
ព័ត៌មាននេះក៏កើតឡើងតែមួយថ្ងៃមុនពេលដែលសភាត្រូវបានគេរំពឹងថានឹងបញ្ជាក់លទ្ធផលនៃការបោះឆ្នោតឆ្នាំ ២០២០ និងពីរសប្តាហ៍មុនពេលដែលប្រធានាធិបតីជាប់ឆ្នោតលោក Joe Biden គ្រោងនឹងស្បថឡើងកាន់តំណែងនៅថ្ងៃទី ២០ ខែមករា ៕
ប្រែសម្រួលដោយ ៖ ជីវ័ន្ត
ប្រភព ៖ Sputnik
ចុចអាន ៖ អ៊ីរ៉ង់ ស្នើឲ្យប៉ូលិសអន្តរជាតិចាប់ខ្លួនលោក Trump និងមន្ត្រី៤៧នាក់ផ្សេងទៀត
ចុចអាន ៖ ឱសថការីអាមេរិកបំផ្លាញវ៉ាក់សាំងកូវីដរាប់រយដូស ព្រោះហេតុផលនេះ
-
ព័ត៌មានជាតិ២ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានជាតិ៧ ថ្ងៃ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ៧ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ១ សប្តាហ៍ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៦ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានអន្ដរជាតិ១ សប្តាហ៍ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១៨ ម៉ោង agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
សន្តិសុខសង្គម៦ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ