Connect with us

ព័ត៌មានអន្ដរជាតិ

ហុងកុង ព្រមព្រៀងទិញអង្ករផ្កាម្លិះ ថៃ ក្នុងតម្លៃជាង ៧៦ លានដុល្លារ

បានផុស

នៅ

គណៈប្រតិភូក្រុមអ្នក​នាំ​ចូល​អង្ករ​ក្រុងហុងកុង​ចំនួន ៣៤ នាក់​បាន​ធ្វើ​ដំណើរ​ទស្សនកិច្ចប្រទេសថៃដើម្បី​ចរចា​ពាណិជ្ជកម្ម ដោយបានយល់ព្រមទិញអង្ករផ្កាម្លិះ​ថៃចំនួន ៨១,២០០ តោនក្នុងតម្លៃជំហានដំបូងជាង ២,៧០០លានបាត (ជាង ៧៦ លានដុល្លារ) ដើម្បីបំពេញតម្រូវការប្រើប្រាស់របស់ប្រជាជនហុងកុងនៅឆ្នាំ ២០២៣ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Kirati Ratchano អនុរដ្ឋលេខាធិការក្រសួងពាណិជ្ជកម្មថៃបាននិយាយថា ក្រសួងពាណិជ្ជកម្មបានអញ្ជើញក្រុមអ្នកនាំចូលអង្ករធំៗចំនួន ៣៤ នាក់ ពីហុងកុង ដែលដឹកនាំដោយលោក Kenneth Chan ប្រធានសមាគមពាណិជ្ជករអង្ករហុងកុង ​ដើម្បី​ចរចា​ពាណិជ្ជកម្ម​នៅ​ប្រទេស​ថៃ ​កាលពី​អំឡុង​ថ្ងៃ​ទី ២១-២៤ ខែ​វិច្ឆិកា ឆ្នាំ​២០២២ ។

លោកបន្តថា ក្នុងកិច្ចចរចានោះ ក្រសួងក៏បានឆ្លៀត​ឱកាស​​ដើម្បី​ផ្សព្វផ្សាយ​ការ​លក់​អង្ករ​ផ្កាម្លិះ​របស់​ថៃ និងបង្កើតការយល់ដឹងអំពីសញ្ញាសម្គាល់អង្ករផ្កាម្លិះ​ថៃពណ៌បៃតង (Thai Hom Mali Ric​e Certification Mark) ដើម្បីបង្កើតទំនុកចិត្តក្នុងចំណោមប្រជាជនហុងកុងថា សញ្ញាសម្គាល់អង្ករថៃនៅលើកញ្ចប់បង្ហាញថា អង្ករនោះត្រូវបានវេចខ្ចប់នៅក្នុងប្រទេសថៃ និងអាចធានាបាននូវស្តង់ដារគុណភាពខ្ពស់ ។

ចំណែកលោកស្រី Chanaphat ប្រធានការិយាល័យជំរុញពាណិជ្ជកម្មអន្តរជាតិប្រចាំទីក្រុងហុងកុង បាននិយាយថា រដ្ឋាភិបាលហុងកុងបានបន្ធូរបន្ថយវិធានការកូវីដ ១៩ និងអនុញ្ញាតឲ្យមានការធ្វើដំណើរកាន់តែងាយស្រួលទាំងក្នុង និងក្រៅទីក្រុងហុងកុង ដូច្នេះការិយាល័យបានសម្របសម្រួលជាមួយសមាគមពាណិជ្ជករអង្ករហុងកុងដើម្បីធ្វើទស្សនកិច្ចនៅប្រទេសថៃ ពង្រឹងទំនាក់ទំនង និងចរចាពាណិជ្ជកម្មអង្ករជាមួយអ្នកនាំចេញថៃ ដោយបានជួបពិភាក្សាជាមួយសមាគមអ្នកនាំចេញអង្ករថៃ អំពីព័ត៌មានពាណិជ្ជកម្ម និងស្ថានភាពពាណិជ្ជកម្មអង្កររវាងគ្នាទៅវិញទៅមក ដោយរំពឹងថា ស្ថានភាពពាណិជ្ជកម្មអង្ករនៅឆ្នាំ ២០២៣ រវាងប្រទេសថៃ និងហុងកុង នឹងល្អប្រសើរឡើងជាបន្តបន្ទាប់ ។

គួរបញ្ជាក់ថា ហុងកុង គឺជាទីផ្សារនាំចេញអង្ករដ៏មានសក្តានុពលរបស់ថៃ និងជាទីផ្សារធំបំផុតទី ៥ ក្នុងឆ្នាំ ២០២១ ដែលមានបរិមាណនាំចេញ ១៧៤,៩៣២តោន និងមានតម្លៃសរុប ១៥៨,០៤ លានដុល្លារ ។ ហុងកុងនាំចូលអង្ករផ្កាម្លិះច្រើនជាងគេពីប្រទេសថៃលំដាប់ទី ២ បន្ទាប់ពីសហរដ្ឋអាមេរិក ហើយកត្តាសំខាន់ដែលធ្វើឲ្យហុងកុងជ្រើសរើសទិញអង្ករផ្កាម្លិះថៃគឺ គុណភាព និងរសជាតិ ៕

ប្រែសម្រួលដោយ ៖ គង់ សំអាន

ប្រភព ៖ MGR Online

ចុចអាន ៖ រកឃើញវីរុស Zombie នៅមានជីវិត ទោះកកអស់ពេល ៤៨,៥០០ ឆ្នាំ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២០ ម៉ោង មុន

ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក

ព័ត៌មានជាតិ១៨ ម៉ោង មុន

ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ

ព័ត៌មានជាតិ២២ ម៉ោង មុន

រាជ​ដំណាក់​ព្រះមហាក្សត្រ​ខ្មែរ ​លើ​កំពូលភ្នំ​បូកគោ រង់ចាំអនុញ្ញាតពីព្រះបរមរាជវាំង ​ជួសជុលតាម​គំរូ​ដើម​ឡើង​វិញ

ព័ត៌មានជាតិ១៦ ម៉ោង មុន

ន.ប.ប.ប បំភ្លឺថា  ឃើញស្ងាត់ៗមិនមែនមិនធ្វើការទេ ហេតុដែលស្ងាត់ៗពេលស៊ើបការ ព្រោះខ្លាចបាត់តម្រុយជនល្មើស

សេដ្ឋកិច្ច២២ ម៉ោង មុន

ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត

Sokha Hotels

ព័ត៌មានពេញនិយម