រកឃើញវីរុស Zombie នៅមានជីវិត ទោះកកអស់ពេល ៤៨,៥០០ ឆ្នាំ

ក្រុមអ្នកវិទ្យាសាស្ត្រអឺរ៉ុបបានរកឃើញមេរោគថ្មីៗចំនួន ១៣ នៅក្រោមស្រទាប់ដីកក Permafrost នៅតំបន់ស៊ីបេរីនៃប្រទេសរុស្ស៊ី ក្នុងនោះមានទាំងវីរុស ខ្មោចឆៅ ឬ Zombie ផងដែរ ដែលមានអាយុកាលជាង ៤៨,៥០០ ឆ្នាំ ។

អ្នកវិទ្យាសាស្ត្របានអះអាងថា មេរោគទាំងនេះនៅតែរស់រានមានជីវិត និងអាចឆ្លងផងដែរ ទោះបីជាវាចំណាយពេលរាប់សហស្សវត្សរ៍ជាប់នៅក្រោមស្រទាប់ដីកកក៏ដោយ ។

ទោះយ៉ាងណា ក្រុមអ្នកស្រាវជ្រាវមកពីប្រទេសរុស្ស៊ី អាល្លឺម៉ង់ និងបារាំង មិនទាន់មានការបញ្ជាក់លម្អិតពីផលប៉ះពាល់ ឬហានិភ័យណាមួយចំពោះវីរុស Zombie នេះនៅឡើយទេ ដោយគ្រាន់តែបញ្ជាក់ថា ប្រសិនបើវីរុស Zombie ពិតជាអាចឆ្លងជំងឺដល់មនុស្ស ឬសត្វពិតមែន វានឹងក្លាយទៅជាបញ្ហាដ៏គ្រោះថ្នាក់ពិតប្រាកដ ។

ជាចុងក្រោយអ្នកវិទ្យាសាស្ត្របានព្រមានថា ការរលាយស្រទាប់ដីកក Permafrost ដែលបណ្ដាលមកពីការប្រែប្រួលអាកាសធាតុ ក៏អាចជាការគំរាមកំហែងថ្មីមួយទៀតដល់មនុស្សលើភពផែនដីផងដែរ ៕

ប្រែសម្រួលដោយ ៖ ជីវ័ន្ត

ប្រភព ៖ Japan Times

ចុចអាន ៖ អ្នកទស្សនា World Cup នឹងលែងបានមើលការប្រកួតនៅម៉ោង ៥ ល្ងាចនិង ៨ យប់ទៀតហើយ