ព័ត៌មានអន្ដរជាតិ
ស្គាល់អត្តសញ្ញាណអ្នកដែលត្រូវបាញ់សម្លាប់ក្នុងអគារ Capitol អាមេរិក
ប្រភពមួយបានប្រាប់សារព័ត៌មាន Fox News ថា ស្ត្រីម្នាក់ដែលត្រូវបានគេបាញ់សម្លាប់នៅខាងក្នុងអគារ Capitol (សភាអាមេរិក) កាលពីថ្ងៃពុធត្រូវបានគេស្គាល់ថាមានឈ្មោះ Ashli Babbit ។ យោងតាមរបាយការណ៍របស់ប្រព័ន្ធផ្សព្វផ្សាយបានឲ្យដឹងថា Babbit គឺជាទាហានជើងចាស់រយៈពេល ១៤ ឆ្នាំដែលបានបម្រើការងារទេសចរណ៍ចំនួន ៤ ជាមួយកងទ័ពអាកាស និងរស់នៅក្នុងទីក្រុង San Diego ។
ស្វាមីរបស់នាងបានប្រាប់ទូរទស្សន៍ WTTG-TV ថា នាង Babbit គឺជាអ្នកគាំទ្រដ៏រឹងមាំរបស់ប្រធានាធិបតី Trump ។ ចំណែកម្តាយក្មេករបស់នាង Babbit បានប្រាប់ទៅភ្នាក់ងារ Fox News ក្នុងទីក្រុង Washington D.C ថា “ខ្ញុំមិនដឹងថាហេតុអ្វីបានជានាងសម្រេចចិត្តធ្វើបែបនេះទេ ។ ប្តីរបស់នាង Babbit មិនបាននៅទីក្រុង Washington D.C ជាមួយនាងទេ ហើយពួកគេជាម្ចាស់អាជីវកម្មមួយកន្លែង” ។
អាជ្ញាធរបានត្រៀមលក្ខណៈការពារកុបកម្មនៅអគារ Capitol ខណៈប្រព័ន្ធផ្សព្វផ្សាយ និងសមាជិកសភាបានវិលត្រឡប់មកចូលរួមសម័យប្រជុំសភារួមគ្នាឡើងវិញនៅប៉ុន្មានម៉ោងមុននេះនៅពេលដែលក្រុមមនុស្សមួយក្រុមបានរំលោភបំពានសន្តិសុខ និងបានសម្រុកចូលអគារបណ្តាលឲ្យមានការបាញ់ប្រហារដ៏សាហាវនេះ ។
នាយកដ្ឋានប៉ូលិសក្រុងបានប្រាប់ Fox News ថា របាយការណ៍ដំបូងបាននិយាយថា ស្ត្រីរូបនេះត្រូវបានគេបាញ់ចំទ្រូង និងត្រូវបានដឹកចេញពីអគារនៅមុនម៉ោង ៣ រសៀល ។ គេមិនទាន់ដឹងច្បាស់ថាអ្នកណាជាអ្នកបាញ់ ឬមូលហេតុអ្វីដែលនាំឲ្យមានការបាញ់ប្រហារនេះនោះទេ ។
អំពើហិង្សានេះបានផ្ទុះឡើងនៅពេលដែលសមាជិកសភាកំពុងស្ថិតក្នុងដំណើរការដើម្បីបញ្ជាក់ពីជ័យជម្នះនៃការបោះឆ្នោតរបស់ប្រធានាធិបតីជាប់ឆ្នោតលោក Joe Biden ៕
ប្រែសម្រួលដោយ ៖ ជីវ័ន្ត
ប្រភព ៖ Fox News
ចុចអាន ៖ រកឃើញគ្រាប់បែកដែលត្រៀមបំផ្ទុះអំឡុងកុបកម្មនៅវិមាន Capitol អាមេរិក
-
សេចក្ដីជូនដំណឹង៥ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៤ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៦ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៧ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៥ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៦ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ៧ ថ្ងៃ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ
-
ព័ត៌មានជាតិ១ សប្តាហ៍ agoផ្លូវទៅតំបន់អេកូទេសចរណ៍អារ៉ែង ឈានទៅចាក់ក្រាលកៅស៊ូស្ទើរបញ្ចប់ ១០០%