ព័ត៌មានអន្ដរជាតិ
បក្សភឿថៃ របស់កូនស្រីលោក ថាក់ស៊ីន សន្យាគោលនយោបាយចំនួន ២ ជួយដល់ប្រជាពលរដ្ឋ
គណបក្សភឿថៃ ដែលជាបក្សប្រឆាំងដ៏ធំបំផុតមានទំនាក់ទំនងជាមួយនឹងអតីតនាយករដ្ឋមន្ត្រី ថាក់ស៊ីន ស៊ីណាវ៉ាត់ត្រា បានបង្ហាញការសន្យារបស់ខ្លួននៅឯមហាសន្និបាតមួយ ក៏ដូចជាចេតនារបស់ខ្លួនក្នុងការផ្តួលរំលំរដ្ឋាភិបាលបច្ចុប្បន្ននៅក្នុងការបោះឆ្នោតសកលដែលគ្រោងនឹងធ្វើឡើងនៅឆ្នាំក្រោយ ។
ថ្លែងទៅកាន់អ្នកគាំទ្រ កូនស្រីពៅរបស់លោក ថាក់ស៊ីន គឺលោកស្រី Paetongtarn Shinawatra បានសន្យាថា ប្រជាពលរដ្ឋថៃគ្រប់រូបនឹងមានជីវភាពកាន់តែប្រសើរឡើងនៅឆ្នាំ ២០២៧ តាមរយៈគោលនយោបាយការដំឡើងប្រាក់ឈ្នួលអប្បបរមាទ្វេដង និងការកាត់បន្ថយតម្លៃថាមពលជាដើម ។
លោកស្រីបាននិយាយថា “យើងនឹងឃើញប្រទេសរបស់យើងត្រលប់មកវិញ ហើយយើងនឹងទទួលបានសេចក្តីថ្លៃថ្នូរ និងមោទនភាពរបស់យើងឡើងវិញ” ។
ទោះយ៉ាងណា ស្រ្តីវ័យ ៣៦ ឆ្នាំរូបនេះមិនទាន់ត្រូវបានតែងតាំងជាផ្លូវការ ជាបេក្ខភាពនាយករដ្ឋមន្ត្រីរបស់គណបក្សភឿថៃ សម្រាប់ការបោះឆ្នោតសកលនៅឡើយទេ ប៉ុន្តែតាមការស្ទង់មតិចុងក្រោយនេះបង្ហាញថា កូនស្រីរបស់លោក ថាក់ស៊ីន រូបនេះបានឈរលើគេក្នុងបញ្ជីបេក្ខភាពឈានមុខ ។
ទន្ទឹមនោះ វត្តមានរបស់លោកស្រី Paetongtarn ក៏បានទាក់ទាញការចាប់អារម្មណ៍យ៉ាងខ្លាំងផងដែរ ដោយសារតែឪពុករបស់លោកស្រីគឺលោក ថាក់ស៊ីន នៅតែមានប្រជាប្រិយភាពនៅក្នុងប្រទេសថៃ ។
គួរបញ្ជាក់ថា លោក ថាក់ស៊ីន ស៊ីណាវ៉ាត់ត្រា អតីតនាយករដ្ឋមន្ត្រីថៃបានភៀសខ្លួនចេញពីប្រទេស បន្ទាប់ពីត្រូវបានផ្តួលរំលំនៅក្នុងរដ្ឋប្រហារឆ្នាំ ២០០៦ ៕
ប្រែសម្រួលដោយ ៖ ជីវ័ន្ត
ប្រភព ៖ NHK
ចុចអាន ៖ អ្នកកាសែតបារាំង L’Express ថា អាមេរិក កំពុងកើបលុយចំណេញពីសង្គ្រាម អ៊ុយក្រែន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង