ណាតូ ធ្វើសមយុទ្ធបាញ់គ្រាប់ពិត កៀក រុស្ស៊ី (មានវីដេអូ)

កងកម្លាំងណាតូ បានធ្វើសមយុទ្ធបាញ់គ្រាប់ពិតនៅមូលដ្ឋានមួយ នាភាគឦសានប្រទេសប៉ូឡូញ ក្បែរតំបន់យុទ្ធសាស្ត្រនៅអឺរ៉ុបខាងកើត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមយុទ្ធ​ដែល​មាន​ការចូលរួម​ពី​យោធា​អាមេរិក អង់គ្លេស និង​ប្រទេសផ្សេងទៀតនេះ ​ត្រូវ​បាន​បង្ហាញ​ដល់ NHK និង​ប្រព័ន្ធ​ផ្សព្វផ្សាយ​ផ្សេងទៀត​កាលពី​ថ្ងៃ​ពុធទី១៤ខែធ្នូ។

យោធាអាមេរិកនិយាយថា សមយុទ្ធនេះ ត្រូវបានធ្វើឡើងដោយផ្អែកលើសេណារីយ៉ូ ដែលកងកម្លាំងអង់គ្លេស នឹងបើកការវាយប្រហារលើសត្រូវ បន្ទាប់មកគឺការវាយប្រហារដ៍សាហាវដោយអង្គភាពរថក្រោះអាមេរិក។

មូលដ្ឋានប៉ូឡូញនេះ ជាកន្លែងនៃអង្គភាពពហុជាតិសាសន៍របស់ណាតូ។ វាមានទីតាំងនៅជិតច្រករបៀង Suwalki Gap ប្រវែងប្រហែល១០០គីឡូម៉ែត្រ រវាងប៉ូឡូញ និងលីទុយអានី។ ប្រទេ​សទាំងពីរ គឺជារដ្ឋបាល់ទិកមួយក្នុងចំណោមរដ្ឋទាំងបី ដែលជាកម្មសិទ្ធិរបស់អង្គការណាតូ។

ច្រករបៀងនេះ ក៏ផ្សារភ្ជាប់រវាងតំបន់ Kaliningrad របស់រុស្ស៊ីនិងប្រទេសបេឡារុស ដែលជាសម្ព័ន្ធមិត្តរបស់រុស្ស៊ីផងដែរ។

មេបញ្ជាការអាមេរិកម្នាក់និយាយថា ការមានអង្គភាពពហុជាតិសាសន៍រួមគ្នានៅក្នុងតំបន់នេះ នឹងពង្រឹងកងកម្លាំងណាតូបន្ថែមទៀត។ ការត្រៀមលក្ខណៈ បានធ្វើឡើងរួចរាល់អស់ហើយ សម្រាប់សេណារីយ៉ូនៃការឈ្លានពានពីសត្រូវគ្រប់ប្រភេទ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ NHK

ចុចអាន៖ រុស្ស៊ី ព្រមាន ណាតូ បើហ៊ានបញ្ជូនប្រព័ន្ធការពារមីស៊ីល Patriot ទៅ អ៊ុយក្រែន