ព័ត៌មានអន្ដរជាតិ

ថៃ បង្ក្រាបថ្នាំញៀនប្រភេទម៉ាទឹកកក ជិត ៥០០ គីឡូក្រាម ដឹកមកពីភាគឦសាន

បានផុស

៣ years មុន

នៅ

ថ្ងៃអង្គារ ៣១ មករា ២០២៣

ដោយ

ប្រទេសថៃ ៖ រថយន្តចំនួន ៣ គ្រឿង ត្រូវសមត្ថកិច្ចថៃតាមប្រមាញ់ រហូតឃាត់បាន ដោយរកឃើញថ្នាំញៀនប្រភេទម៉ាទឹកកក ជិត ៥០០ គីឡូក្រាម ផងដែរ បន្ទាប់ពីរថយន្តទាំងនេះបើកបុកបារ៉ាស់របស់សមត្ថកិច្ច។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កិច្ចប្រតិបត្តិការក្នុងទ្រង់ទ្រាយដ៏ធំនេះ បានធ្វើឡើងកាលពីព្រឹកថ្ងៃទី ៣០ ខែមករា ឆ្នាំ ២០២៣ នៅត្រង់ចំណុចផ្លូវបែកជាបួន ណងមួយ ក្នុងខេត្តសារៈបុរី ប្រទេសថៃ។

នៅមុនពេលកើតហេតុ សមត្ថកិច្ច បញ្ជាក់ថា មានការសង្ស័យទៅលើរថយន្តចំនួន ៣ គ្រឿង ដែលកំពុងធ្វើដំណើរមកពីភាគឦសាន ត ដោយបានឆ្លងកាត់ខេត្តសារៈបុរី។

សមត្ថកិច្ចក៏បានដាក់បារ៉ាស់ និងដាក់កម្លាំងដើម្បីត្រៀមចាំ លុះមកដល់ត្រង់ចំណុចផ្លូវបែកជាបួន ណងមួយ រថយន្តទាំងនោះបានបត់ឆ្ពោះទៅកាន់ខេត្តឡុបបុរី ទើបសមត្ថកិច្ចឲ្យសញ្ញាទៅរថយន្តដើម្បីឈប់ត្រួតពិនិត្យ។

ភ្លាមៗនោះដែរ រថយន្តទាំង ៣ គ្រឿង បានបើកបំពានបារ៉ាស់ ទើបសមត្ថកិច្ចដេញតាមរហូតឃាត់រថយន្តបានទាំង ៣ និងមនុស្ស ៣ នាក់។ នៅក្នុងចំណោមរថយន្តទាំង ៣ គ្រឿងនោះ គឺរថយន្តបើកក្រោយគេត្រូវបានសមត្ថកិច្ចរកឃើញ មានថង់ធំៗចំនួន ១០ ថង់ ក្នុងនោះមានថ្នាំញៀនប្រភេទម៉ាទឹកកកទាំងអស់ សរុបមានទម្ងន់ ជាង ៤៥០ គីឡូក្រាម និងថ្នាំញៀនប្រភេទយ៉ាម៉ាមួយចំនួន។