ព័ត៌មានអន្ដរជាតិ

លោក Zelensky ថា អ៊ុយក្រែន ឈ្នះ ឬចាញ់ រុស្ស៊ី គឺពឹងលើអឺរ៉ុប

បានផុស

៣ years មុន

នៅ

ថ្ងៃសៅរ៍ ៤ កុម្ភៈ ២០២៣

ដោយ

ប្រធានាធិបតីអ៊ុយក្រែនលោក Volodymyr Zelensky បាននិយាយកាលពីពេលថ្មីៗនេះថា ការបរាជ័យរបស់រុស្ស៊ីគឺអាស្រ័យលើភាពរហ័សរហួនរបស់អឺរ៉ុប ធ្វើយ៉ាងណាកុំឲ្យទីក្រុងមូស្គូគេចផុតពីការដាក់ទណ្ឌកម្មឲ្យសោះ ។

លោក Zelensky បាននិយាយក្នុងសន្និសីទសារព័ត៌មានមួយជាមួយប្រធានគណៈកម្មការអឺរ៉ុបលោកស្រី Ursula von der Leyen នៅរដ្ឋធានីកៀវថា “វាជាកិច្ចការរបស់អឺរ៉ុបក្នុងការកាត់បន្ថយសមត្ថភាពរបស់រុស្ស៊ីក្នុងការរកផ្លូវចេញពីការដាក់ទណ្ឌកម្ម ហើយប្រសិនបើកិច្ចការនេះកាន់តែលឿន និងប្រសើរជាងមុន យើងនឹងកាន់តែខិតទៅរកជ័យជម្នះនៃប្រតិបត្តិការសឹករបស់រុស្ស៊ី” ។

លោកបញ្ជាក់ទៀតថា អឺរ៉ុបបានបន្ថយល្បឿននៃការដាក់ទណ្ឌកម្មលើរុស្ស៊ី ដូច្នេះយើងត្រូវកែតម្រូវស្ថានភាពនេះ ដោយត្រូវមានកិច្ចពិភាក្សាលើកញ្ចប់ទណ្ឌកម្មលើកទី ១០ ប្រឆាំងនឹងប្រទេសរុស្ស៊ី ។

លោក Zelensky បាននិយាយថា “ការពង្រឹងកិច្ចសហប្រតិបត្តិការជាមួយសហភាពអឺរ៉ុប គឺជាការពង្រឹងលទ្ធភាពដើម្បីការពារជីវិតរបស់ប្រជាជននៅអឺរ៉ុបសេរី ហើយការសម្រេចក្តីសុបិននៃសន្តិភាពនៅអឺរ៉ុប អាចធ្វើបានតែតាមរយៈអ៊ុយក្រែន និងដោយការឈ្នះទល់នឹងរុស្ស៊ីប៉ុណ្ណោះ” ។

គួរបញ្ជាក់ថា លោកស្រី Von der Leyen រួមជាមួយនឹងក្រុមស្នងការសហភាពអឺរ៉ុប បានទៅដល់រដ្ឋធានីកៀវ ដើម្បីចូលរួមក្នុងកិច្ចប្រជុំកំពូលសហភាពអឺរ៉ុប-អ៊ុយក្រែន លើកទី ២៤ ដែលបានធ្វើឡើងកាលពីថ្ងៃសុក្រ ខណៈមន្ត្រីទីក្រុងកៀវរំពឹងថា កិច្ចប្រជុំកំពូលនេះនឹងជំរុញអ៊ុយក្រែនក្លាយជាសមាជិកពេញលេញនៃប្លុកដែលមានសមាជិកទាំង ២៧ មួយនេះ ៕

ប្រែសម្រួលដោយ ៖ ជីវ័ន្ត

ប្រភព ៖ Anadolu

ចុចអាន ៖ ដឹងទេប្រទេសចំនួនប៉ុន្មានហើយ បញ្ជូនរថក្រោះឲ្យ អ៊ុយក្រែន ប្រើទប់ រុស្ស៊ី?

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា