គិតត្រឹមព្រឹកថ្ងៃពុធទី០៨ខែកុម្ភៈ (ពេលវេលានៅកម្ពុជា) ចំនួន​មនុស្ស​ស្លាប់​ដោយសារ​គ្រោះ​រញ្ជួយ​ដី​ ដែលមានចំណុចកណ្តាលនៅប្រទេសតួកគី បាន​កើន​ឡើង​ដល់​ជាង ៧ ៨០០​នាក់​ហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមទីភ្នាក់ងារសារព័ត៌មាន AFP, មនុស្សចំនួន ៥៨៩៤ នាក់បានស្លាប់នៅក្នុងប្រទេសតួកគី និង ១៩៣២ នាក់ស្លាប់នៅក្នុងប្រទេសស៊ីរី ធ្វើឲ្យចំនួនសរុបកើនដល់ ៧៨២៦នាក់។

កិច្ចខិតខំប្រឹងប្រែងជួយសង្គ្រោះ បានឈានចូលយប់ទីពីរហើយ ខណៈពេលវេលា ដើម្បីស្វែងរកអ្នកនៅរស់រានមានជីវិត ក្រោមគំនរបាក់បែក កាន់តែខើចទៅៗ។

ទោះបីជាយ៉ាងណាក៏ដោយ សាច់ញាតិជនរងគ្រោះដែលជាប់ក្រោមគំនរបាក់បែក ក៏បានចូលរួមក្នុងប្រតិបត្តិការជួយសង្គ្រោះផងដែរ ដោយអ្នកខ្លះប្រើដៃទទេដើម្បីកាយគំនរថ្ម។

គួរបញ្ជាក់ជាថ្មីថា ការរញ្ជួយដីកម្រិត ៧.៨រ៉ិចទ័រដំបូង បានវាយប្រហារនៅជិតទីក្រុង Gaziantep នាព្រឹកព្រលឹមថ្ងៃចន្ទទី០៦ខែកុម្ភៈ។ ប៉ុន្មានម៉ោងក្រោយមក ការរញ្ជួយកម្រិត ៧.៥រ៉ិចទ័រ ក៏បានវាយប្រហារទៀត៕

ប្រែសម្រួល៖ Vann Vann

ប្រភព៖ BBC

ចុចអាន៖ មកដឹង ការរញ្ជួយដីសាហាវៗ លើពិភពលោកចាប់តាំងពីឆ្នាំ ២០១០មក