សមាជិកណាតូ ថា អ៊ុយក្រែន នឹងត្រូវរុស្ស៊ីកម្ចាត់ បើគ្មានជំនួយសព្វាវុធជាបន្ទាន់ពី លោកខាងលិច (មានវីដេអូ)

ប្រធានាធិបតីប៉ូឡូញ លោក Andrzej Duda បាននិយាយកាលពីថ្ងៃអាទិត្យទី១២ខែកុម្ភៈថា រុស្ស៊ី អាចកម្ចាត់អ៊ុយក្រែន ប្រសិនបើលោកខាងលិច និងសម្ព័ន្ធមិត្តរបស់ខ្លួន មិនផ្តល់ជំនួយយោធាបន្ទាន់ដល់ទីក្រុងកៀវទេនោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅពេល​សួរ​ថា​តើ​រុស្ស៊ី​អាច​ឈ្នះសង្គ្រាមលុកលុយដែរឬទេនោះ​ លោក Duda បាន​ប្រាប់​កាសែត​បារាំង​ថា “មែនហើយ រុស្ស៊ី​អាចឈ្នះ ប្រសិន​បើ​អ៊ុយក្រែន ​មិន​ទទួល​បាន​ជំនួយ​ជា​បន្ទាន់ទេនោះ”។

មេដឹកនាំប៉ូឡូញបានបន្ថែមថា បណ្តាប្រទេសលោកខាងលិច និងសម្ព័ន្ធមិត្ត គួរតែបញ្ជូនសម្ភារយោធាទៅឲ្យអ៊ុយក្រែន ក្នុងរយៈពេលប៉ុន្មានសប្តាហ៍ខាងមុខនេះ។

គួរបញ្ជាក់ថា បណ្តាប្រទេសលោកខាងលិច បាននិងកំពុងផ្គត់ផ្គង់ដល់អ៊ុយក្រែន នូវប្រព័ន្ធសព្វាវុធជាច្រើនប្រភេទ រួមទាំងខែលការពារដែនអាកាស ប្រព័ន្ធបាញ់គ្រាប់រ៉ុកកែតពហុមុខងារ រថក្រោះ កាំភ្លើងធំបាញ់ដោយខ្លួនឯង និងកាំភ្លើងប្រឆាំងយន្តហោះផងដែរ ចាប់តាំងពីរុស្ស៊ីបើកប្រតិបត្តិការយោធាពិសេសរបស់ខ្លួន ក្នុងប្រទេសអ៊ុយក្រែននៅថ្ងៃទី២៤ ខែកុម្ភៈ ឆ្នាំ២០២២។

នៅខែមេសាឆ្នាំ២០២២ ទីក្រុងមូស្គូបានផ្ញើលិខិតទៅប្រទេសជាសមាជិកអង្គការណាតូ ដែលថ្កោលទោសជំនួយយោធារបស់ពួកគេដល់ទីក្រុងកៀវ។ 

រដ្ឋមន្ត្រីការបរទេសរុស្ស៊ី លោក Sergey Lavrov បានព្រមានថា រាល់ការដឹកជញ្ជូនអាវុធនៅលើទឹកដីអ៊ុយក្រែន នឹងក្លាយជាគោលដៅស្របច្បាប់សម្រាប់កងកម្លាំងរុស្ស៊ី៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Sputnik

ចុចអាន៖ តើ យន្តហោះ ចម្បាំង ប្រភេទ ណា ដែល អង់គ្លេស អាចបញ្ជូន ទៅ អ៊ុយក្រែន បាន?