ព័ត៌មានអន្ដរជាតិ
ជើងហោះហើរជាង ១ពាន់ នៅអាមេរិក ត្រូវជាប់គាំង ដោយសារព្យុះព្រិលដ៏ធំ
យោងតាមទិន្នន័យពី FlightAware បានបង្ហាញថា ព្យុះព្រិលដ៏ធំ ដែលវាយប្រហារភាគខាងជើងសហរដ្ឋអាមេរិក បានបង្ខំឲ្យលុបចោលជើងហោះហើរជិត១២០០ គិតត្រឹមថ្ងៃព្រហស្បតិ៍ទី២៣ខែកុម្ភៈ ខណៈក្រុមមន្ត្រីចេញការព្រមានដល់ប្រជាជនដែលធ្វើដំណើរលើផ្លូវហាយវ៉េ ត្រូវមានការប្រុងប្រយ័ត្នខ្ពស់ ព្រោះផ្លូវត្រូវបានគ្របដណ្តប់ដោយព្រិល។
អាកាសយានដ្ឋាននៅតំបន់ Midwestern បានជួបប្រទះការរំខានដ៏អាក្រក់បំផុត ដោយជើងហោះហើរ ៤៨% ក្នុងនិងក្រៅទីក្រុង Minneapolis-St. Paul ត្រូវលុបចោល, ៤៥% ត្រូវផ្អាកនៅ Milwaukee និង ២០% ទៅនិងមកក្រុង Detroit ក៏បញ្ឈប់ផងដែរ។
គិតត្រឹមព្រឹកថ្ងៃព្រហស្បតិ៍ ទីក្រុង Minneapolis មានព្រិលធ្លាក់កម្ពស់១២.៧សង់ទីម៉ែត្រ ហើយព្រិលធ្លាក់ខ្លាំងជាងនេះទៀត ត្រូវបានគេព្យាករណ៍នៅថ្ងៃសុក្រ។
អ្នកឧតុនិយមនៃសេវាកម្មអាកាសធាតុជាតិលោក Frank Pereira បានព្រមានថា អ្នកបើកបរទាំងឡាយ នឹងត្រូវប្រឈមមុខនឹងបញ្ហាធ្វើដំណើរដ៏អាក្រក់ ហើយគួរតែស្នាក់នៅផ្ទះកុំចេញទៅណា។
ការព្រមានអំពីព្យុះទឹកកក ក៏ត្រូវបានប្រកាសចាប់ពីភាគខាងជើងរដ្ឋ Iowa ទៅកាន់រដ្ឋ Michigan ផងដែរ។ ក្រៅពីផ្លូវមិនអាចធ្វើដំណើរបាន ព្យុះថែមទាំងអាចផ្តួលរំលំដើមឈើ និងផ្តាច់ខ្សែភ្លើងទៀតផង។
ស្របពេលជាមួយគ្នានោះ នៅកណ្តាលរដ្ឋ California មានសេចក្តីរាយការណ៍អំពីការដាច់ចរន្តអគ្គិសនី ធ្វើឲ្យផ្ទះ និងអាជីវកម្មចំនួន ១៣៥ ០០០ ត្រូវងងឹត៕
ប្រែសម្រួល៖ Vann Vann
ប្រភព៖ RT
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង