ព័ត៌មានអន្ដរជាតិ
អ៊ុយក្រែន ថា ១០០ ឆ្នាំទៀត ការផ្សះផ្សាជាមួយ រុស្ស៊ី ក៏មិនអាចទៅរួចដែរ
នាយករដ្ឋមន្ត្រីអ៊ុយក្រែនលោក Denys Shmyhal បាននិយាយកាលពីថ្ងៃអាទិត្យថា ការផ្សះផ្សារវាងទីក្រុងមូស្គូ និងទីក្រុងកៀវ គឺមិនអាចធ្វើទៅរួចនោះទេ ទោះបីជា ១០០ ឆ្នាំទៀតក៏ដោយ ។
លោក Denys Shmyhal បាននិយាយនៅក្នុងបទសម្ភាសន៍ជាមួយកាសែតអាល្លឺម៉ង់ Focus ថា “ការផ្សះផ្សា ក៏ដូចជាកិច្ចសហប្រតិបត្តិការណាមួយរបស់រុស្ស៊ីជាមួយអ៊ុយក្រែន គឺមិនអាចកើតក្នុងរយៈពេល ១០០ ឆ្នាំខាងមុខទេ ។ រុស្ស៊ីត្រូវតែជាអ្នកផ្លាស់ប្ដូរមុន ហើយត្រូវប្រាកដជាប្រទេសប្រជាធិបតេយ្យ គ្មានយោធា និងរំសាយអាវុធនុយក្លេអ៊ែរជាដើម” ។
ទន្ទឹមនោះ លោក Shmyhal ក៏បាននិយាយផងដែរថា ការបង្កកជម្លោះរវាងទីក្រុងមូស្គូ និងទីក្រុងកៀវ ដើម្បីបញ្ឈប់ការបង្ហូរឈាមបន្ថែមទៀត គឺមិនអាចទទួលយកបាននៅលើផ្នែកនៃអ៊ុយក្រែន ព្រោះវានឹងចូលទៅក្នុងដៃរបស់រុស្ស៊ី ហើយនាំទៅរកសង្រ្គាមដ៏ធំមួយទៀត ។
បន្ថែមពីនេះ លោក Shmyhal ក៏បានបដិសេធបន្ថែមទៀតអំពីលទ្ធភាពដែលអ៊ុយក្រែនប្រគល់ទឹកដីណាមួយរបស់ខ្លួនទៅឲ្យរុស្ស៊ី ដោយលោកលើកឡើងថា “សង្គមរបស់យើងនឹងមិនអនុញ្ញាតឲ្យមានរឿងនេះដាច់ខាត ។ មនុស្សល្អបំផុតរបស់យើងរាប់ពាន់នាក់បានស្លាប់ ហើយយើងមិនអាចស្វែងរកការសម្រុះសម្រួលណាមួយជាមួយភេរវករកំពុងលុកលុយ និងធ្វើបាបពិភពលោកទាំងមូលនោះទេ” ។
ជាចុងក្រោយលោកនាយករដ្ឋមន្ត្រីរូបនេះរំឭកថា “ការសម្របសម្រួលដ៏ល្អតែមួយគត់ គឺការដកទ័ពរុស្ស៊ីទាំងស្រុងចេញពីអ៊ុយក្រែនក្នុងព្រំដែនឆ្នាំ ១៩៩១ ។ រុស្ស៊ីត្រូវតែបញ្ឈប់ការបាញ់ប្រហារ បញ្ឈប់ការលុកលុយ និងចាកចេញពីទឹកដីរបស់យើង ហើយខ្ញុំជឿថា ការផ្លាស់ប្តូរ ក៏ដូចជាការសម្រុះសម្រួលព្រំដែនបែបនេះ ក៏មិនអាចទទួលយកបានសម្រាប់អឺរ៉ុបផងដែរ” ៕
ប្រែសម្រួលដោយ ៖ ជីវ័ន្ត
ប្រភព ៖ Anadolu
ចុចអាន ៖ ទីបំផុត រថក្រោះខ្លារខិន Leopard 2 ទៅដល់ដៃ អ៊ុយក្រែន ហើយ
-
សេចក្ដីជូនដំណឹង៧ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៥ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា២៤ ម៉ោង agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
សេដ្ឋកិច្ច៧ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា១ សប្តាហ៍ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៦ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៧ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ១ សប្តាហ៍ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ