Connect with us

ព័ត៌មានអន្ដរជាតិ

មេបញ្ជាការ EOD នៃយោធភូមិភាគ៤ថៃ ស្លាប់ក្នុងការបំផ្ទុះគ្រាប់មីន ពីក្រុមឧទ្ទាម

បានផុស

នៅ

យ៉ាងហោចណាស់ក៏មានយោធា២នាក់បានបាត់បង់ជីវិត និងម្នាក់ទៀតរងរបួសធ្ងន់ នៅក្នុងហេតុការណ៍ នៃការដាក់បំផ្ទុះគ្រាប់មីននៅតាមដងផ្លូវ នៅភាគខាងត្បូង នៃប្រទេសថៃ ព្រមទាំងមានការផ្ទុះអាវុធតបតគ្នាមួយប្រាវផងដែរ។

យោងតាមការផ្សាយរបស់កាសែតថៃរ៉ាត់បានបញ្ជាក់ថា ហេតុការណ៍នេះបានកើតឡើងកាលពីរសៀលថ្ងៃទី៤ ខែមីនា ឆ្នាំ២០២៣ ខណ:ដែលក្បួនរថយន្តចំនួន៤គ្រឿងត្រឡប់មកពីត្រួតពិនិត្យតំបន់សមរភូមិតាមព្រំដែននៃភាគខាងត្បូង បន្ទាប់ពីមានការប៉ះទង្គិចគ្នារួចមក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងក្បួនរថយន្តនេះដែរ គឺមានការជូនដំណើរលោក ផៃសានូ មេបញ្ជាការរងយោធភូមិភាគ៤ និងបើកនាំមុខដោយរថយន្តកម្លាំង EOD ក្នុងនោះក៏មានលោកមេបញ្ជាការក្រុម EOD ប្រាក់ផារ៉ាត់ នៅក្នុងរថយន្តនាំមុខក្បួននោះដែរ។ ខណ:ដែលក្បួនរថយន្តមកដល់ត្រង់ចំណុចកើតហេតុ ក្នុងស្រុកសុីសាខន ខេត្តណារ៉ាធីវ៉ាត ក្រុមឧទ្ទាមបានចុចបំផ្ទុះគ្រាប់មីនដែលគេបានកែច្នៃចងផ្អោបជាប់ជាមួយធុងហ្គាសទម្ងន់ ៥០ kg ផងដែរ ដែលធ្វើអោយរថយន្តដឹកនាំក្បួនខាងមុខប៉ើងទៅលើ និងធ្លាក់ផ្ងារជើងមកដីវិញ ធ្វើអោយអ្នកបើកបរ និងលោកមេបញ្ជាការក្រុម EOD កៀបជាប់ស្លាប់នៅក្នុងរថយន្ត និងម្នាក់ទៀតរងរបួសធ្ងន់ ។

ក្រោយពីគ្រាប់មីនបានផ្ទុះឡើង ក្រុមឧទ្ទាមបានបាញ់ស្រោចមកលើកងកម្លាំងយោធា និងមានការផ្ទុះអាវុធតបតគ្នាមួយប្រាវទើបស្ងប់ទៅវិញ ដែលបញ្ហានេះដោយសារតែតំបន់ខាងលើ មានផ្លូវតូចចង្អៀត និងមានព្រៃភ្នំនៅសងខាង ធ្វើអោយក្រុមឧទ្ទាមមានឱកាសក្នុងការធ្វើសង្គ្រាមវាយឆ្មក់បានដោយពួកគេបានប្រើប្រាស់អាវុធធុន AK និង M16 សុទ្ធសាធ ៕

អត្ថបទ៖ សោ និយមរ័ត្ន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា៦ ថ្ងៃ មុន

ឈ្នះខ្សែក្រវាត់ថ្ងៃជាមួយ​ ឈឿង ល្វៃ កីឡាករ Erdene ក៏មានរថយន្តទទួល

ព័ត៌មានជាតិ៥ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

សន្តិសុខសង្គម៧ ថ្ងៃ មុន

ដកហូតមុខតំណែង មេបញ្ជាការរងស្រុកស្វាយជ្រុំ​៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ

ព័ត៌មានជាតិ៥ ថ្ងៃ មុន

ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល

ព័ត៌មានអន្ដរជាតិ៥ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

Sokha Hotels

ព័ត៌មានពេញនិយម