ប្រជាជនឥណ្ឌាកាន់តែច្រើនសម្រុកទិញការធានារ៉ាប់រងសុខភាព ខណៈករណីឆ្លងកូវីដ ១៩ នៅតែកើនឡើង

គោលនយោបាយការលក់ធានារ៉ាប់រងសុខភាពនៃជំងឺកូវីដ ១៩ នៅក្នុងប្រទេសឥណ្ឌាបានកើនឡើងជិត ១០ ដងក្នុងរយៈពេលមួយខែដែលធ្វើឲ្យវាក្លាយជាប្រភេទនៃការលក់ធានារ៉ាប់រងដាច់បំផុតក្នុងរយៈពេលប៉ុន្មានទសវត្សកន្លងមកនេះ ។

ប្រធានអង្គភាពបទប្បញ្ញត្តិធានារ៉ាប់រងរបស់ប្រទេសឥណ្ឌា និងអាជ្ញាធរគ្រប់គ្រងបទប្បញ្ញត្តិធានារ៉ាប់រង និងអភិវឌ្ឍន៍ (Irdai) បាននិយាយកាលពីថ្ងៃទី ២៨ ខែតុលាថា ទីផ្សារបានកើនឡើងពី ១.៥ លានរូពីដល់ ១១ លានរូពីចាប់ពីខែកញ្ញាដល់ខែតុលា ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមនោះប្រភពពីឧស្សាហកម្មឥណ្ឌាបានឲ្យដឹងថា ចាប់តាំងពីខែកក្កដា សំណងធានារ៉ាប់រងលើមនុស្សចំនួន ៤៥០,០០០ នាក់ដែលមានតម្លៃប្រហែល ៦៧.៥ ពាន់លានរូពីត្រូវបានគេរាយការណ៍មក ។ ក្នុងចំណោមនេះមានពាក្យបណ្តឹងប្រហែល ៣០០,០០០ ករណីដែលមានតម្លៃប្រហែល ២៨ ពាន់លានរូពីត្រូវបានដោះស្រាយ និងបង់ប្រាក់ ។

ប្រជាជនឥណ្ឌាជាច្រើនត្រូវបានជម្រុញឲ្យទិញការធានារ៉ាប់រងសុខភាពនៅក្នុងខែកក្កដា នៅពេលការឆ្លងបានកើនឡើង ហើយការបិទប្រទេសត្រូវបានបន្ធូរបន្ថយ ។

ប្រទេសឥណ្ឌាមានករណីឆ្លងកូវីដ ១៩ ជិត ៨ លានករណី ហើយមនុស្ស ១១៩,០០០ នាក់បានស្លាប់ ។ ទោះបីជាក្រសួងសុខាភិបាលនិយាយថា មនុស្សជាច្រើនកំពុងជាសះស្បើយ ហើយអត្រាឆ្លងកំពុងតែថយចុះក៏ដោយក៏ឥណ្ឌានៅតែកត់ត្រាចំនួនអ្នកឆ្លងជំងឺកូវីដ ១៩ ច្រើនជាងគេលំដាប់ទី ២ នៅលើពិភពលោក ខណៈសហរដ្ឋអាមេរិកជាប្រទេសដែលរងគ្រោះខ្លាំងជាងគេ ៕

ប្រែសម្រួលដោយ ៖ ជីវ័ន្ត

ប្រភព ៖ The Straits Times

ចុចអាន ៖ (មានវីដេអូ) ៖ កងនាវាចរឥណ្ឌាបង្ហាញពីការបាញ់មីស៊ីលពន្លិចនាវាសត្រូវ អំឡុងពេលសមយុទ្ធ

ចុចអាន ៖ (មានវីដេអូ) ៖ ឥណ្ឌាបញ្ចប់ការបាញ់សាកល្បងដោយជោគជ័យនូវមីស៊ីលប្រឆាំងរថក្រោះជំនាន់ទី ៣ របស់ខ្លួន