ព័ត៌មានអន្ដរជាតិ
គិតត្រឹមព្រឹកនេះ ចំនួនអ្នកស្លាប់ដោយព្យុះ Molave នៅវៀតណាមកើនដល់ ១៣ នាក់
រដ្ឋាភិបាលវៀតណាមបាននិយាយនៅថ្ងៃព្រហស្បតិ៍ ទី២៩ ខែតុលា នេះថា ប្រទេសវៀតណាមបានពង្រាយទាហានរាប់រយនាក់ និងគ្រឿងចក្រធំៗដើម្បីស្វែងរកអ្នកនៅរស់រានមានជីវិត បន្ទាប់ពីការបាក់ដីដែលបង្កឡើងដោយភ្លៀងធ្លាក់ខ្លាំងពីព្យុះ Molave ដែលជាព្យុះមួយក្នុងចំណោមព្យុះទីហ្វុងខ្លាំងបំផុតនៅក្នុងតំបន់ក្នុងទសវត្សកន្លងមកនេះ ។
ទន្ទឹមនោះការរអិលបាក់ដីដែលបានវាយប្រហារតំបន់ដាច់ស្រយាលក្នុងខេត្ត Quang Nam ភាគកណ្ដាលត្រឹមមួយថ្ងៃប៉ុណ្ណោះបានសម្លាប់មនុស្ស ១៣ នាក់ និងបាត់ខ្លួនចំនួន ៤០ នាក់ ខណៈកិច្ចប្រឹងប្រែងជួយសង្គ្រោះត្រូវបានរារាំងដោយអាកាសធាតុមិនអំណោយផលនៃព្យុះនេះ ។
បន្ថែមពីនេះអ្នកនេសាទ ២៦ នាក់ក៏នៅតែបាត់ខ្លួននៅឡើយ បន្ទាប់ពីទូករបស់ពួកគេបានលិចនៅពេលដែលពួកគេព្យាយាមត្រឡប់មកច្រាំងវិញកាលពីថ្ងៃអង្គារ ។
ស្របពេលជាមួយគ្នានេះរដ្ឋាភិបាលបាននិយាយថា ព្យុះទីហ្វុង Molave បានធ្វើឲ្យប្រជាជនរាប់លាននាក់គ្មានអគ្គិសនីប្រើប្រាស់ និងខូចខាតផ្ទះចំនួន ៥៦,០០០ ខ្នង ។
ចំណែកទីភ្នាក់ងារអាកាសធាតុវៀតណាមបាននិយាយថា ភ្លៀងធ្លាក់ខ្លាំងរហូតដល់កម្រិត ៧០០ មីល្លីម៉ែត្រនឹងបន្តនៅផ្នែកមួយចំនួនទៀតនៃភាគកណ្តាលប្រទេសវៀតណាមរហូតដល់ថ្ងៃសៅរ៍ ។
គួរបញ្ជាក់ថា ព្យុះ Molave បានធ្លាក់ចុះសម្ពាធ បន្ទាប់ពីមានការបាក់ដីកាលពីថ្ងៃពុធ ហើយត្រូវបានគេរំពឹងថានឹងទៅដល់ប្រទេសឡាវនៅថ្ងៃព្រហស្បតិ៍នេះ ៕
ប្រែសម្រួលដោយ ៖ ជីវ័ន្ត
ប្រភព ៖ CNA
ចុចអាន ៖ គិតត្រឹមពេលនេះព្យុះ Molave បណ្ដាលឲ្យប្រទេសវៀតណាម មានអ្នកស្លាប់ និងបាត់ខ្លួន
ចុចអាន ៖ Molave ជាព្យុះទីហ្វុងខ្លាំងបំផុតដែលវាយប្រហារប្រទេស វៀតណាម ក្នុងឆ្នាំនេះ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានអន្ដរជាតិ៨ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ