Connect with us

ព័ត៌មានអន្ដរជាតិ

ដូណាល់ ត្រាំ ពន្លះកប់ៗមាត់ ក្រោយ ចូ បៃដិន ប្រកាសឈរឈ្មោះបោះឆ្នោតអាណត្តិទី២

បានផុស

នៅ

នៅក្នុងវីដេអូយុទ្ធនាការថ្មីមួយដែលបញ្ចេញបន្ទាប់ពីលោកប្រធានាធិបតី ចូ បៃដិន ប្រកាសជាផ្លូវការនូវការឈរឈ្មោះបោះឆ្នោតអាណត្តិទី២, អតីតប្រធានាធិបតីលោក ដូណាល់ ត្រាំ បានចោទប្រកាន់លោក បៃដិន ថាបានធ្វើរឿងបរាជ័យជាច្រើន រាប់ចាប់ពីការបើកព្រំដែនសហរដ្ឋអាមេរិកជាមួយម៉ិកស៊ិក ទៅដល់ការនាំពិភពលោក ឆ្ពោះទៅគែមនៃសង្គ្រាមលោកលើកទី៣។

លោក ដូណាល់ ត្រាំ (រូបថត៖ Reuters)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាល​ពី​ថ្ងៃ​អង្គារទី២៥ខែមេសា លោក បៃដិន បានប្រកាឈរឈ្មោះ​ជា​ផ្លូវ​ការ​ក្នុង​ការ​បោះឆ្នោត​ឆ្នាំ២០២៣ ដោយ​និយាយថា ​លោក​ត្រូវ​ការ​ពេល​បួន​ឆ្នាំ​ទៀត​ដើម្បីបញ្ចប់​ការងារ និង​ស្ដារដួងព្រលឹងរបស់សហរដ្ឋ​អាមេរិកឡើងវិញ។

ទោះបីជាយ៉ាងណាក៏ដោយ ក្រោយនោះត្រឹមប៉ុន្មានម៉ោងប៉ុណ្ណោះ ស្រាប់តែលោក ត្រាំ ចេញការឆ្លើយតបតែម្តង។​ 

លោក ត្រាំ ប្រកាសថា “អ្នកអាចយកប្រធានាធិបតីអាក្រក់បំផុតទាំងប្រាំនាក់នៅក្នុងប្រវត្តិសាស្រ្តអាមេរិក ហើយដាក់ចូលគ្នា។ អ្នកទាំងនោះ មិនបានធ្វើឲ្យមានការខូចខាតដូចដែលលោក ចូ បៃដិន បានធ្វើចំពោះជាតិរបស់យើងនោះទេ”។

លោក ចូ បៃដិន (រូបថត៖ CNN)

ទន្ទឹមនោះ អតីតប្រធានាធិបតីរូបនេះ បានលើកឡើងពីអតិផរណាដ៏អាក្រក់បំផុតនៅពាក់កណ្តាលសតវត្សរ៍, ការធ្លាក់ចុះប្រាក់ឈ្នួលរយៈពេល២៤ខែជាប់គ្នា, ការកើនឡើងតម្លៃប្រេងសាំង, ភាពគ្មានផ្ទះសម្បែង និងឧក្រិដ្ឋកម្ម ថាជាឧទាហរណ៍នៃបរាជ័យរបស់លោក បៃដិន។

លើសពីនេះ លោក ត្រាំ បានចោទប្រកាន់លោក បៃដិន ថាយកច្បាប់ធ្វើជាអាវុធ ដើម្បីដាក់ទណ្ឌកម្មលើអ្នកគាំទ្ររបស់គាត់ទៀតផង។

ជាចុងក្រោយ លោក ត្រាំ បានព្រលយពាក្យថា “ស្ទើរតែមិននឹកស្មានដល់សោះដែលលោក បៃដិន គិតចង់ឈរឈ្មោះសម្រាប់ការបោះឆ្នោតជាថ្មីនេះ ។ ក្នុងប្រវត្តិសាស្ត្រអាមេរិក មិនធ្លាប់មានរដ្ឋបាលពីរបន្តបន្ទាប់គ្នា ដែលខុសគ្នាដាច់បែបនេះទេ” ៕

ប្រែសម្រួល៖ Vann Vann

ប្រភព៖ RT

ចុចអាន៖ រដ្ឋបាល ចូ បៃដិន បន្ទោស ដូណាល់ ត្រាំ ទៅលើការដកទ័ពដ៏ច្របូកច្របល់ ចេញពី អាហ្វហ្គានីស្ថាន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម