ព័ត៌មានអន្ដរជាតិ

អគ្គិភ័យឆាបឆេះកន្លែងស្តុកប្រេងនៅគ្រីមៀ ខណៈ អ៊ុយក្រែន ថា នេះជាទណ្ឌកម្មរបស់ព្រះ

បានផុស

៣ years មុន

នៅ

ថ្ងៃអាទិត្យ ៣០ មេសា ២០២៣

ដោយ

អភិបាលក្រុងមូស្គូនិយាយថា អគ្គិភ័យដ៏ធំមួយបានឆាបឆេះកន្លែងស្តុកប្រេងឥន្ធនៈនៅគ្រីមៀ ដែលត្រូវបានបញ្ចូលជាឯកតោភាគីដោយរុស្ស៊ីក្នុងឆ្នាំ ២០១៤ ខណៈមន្ត្រីចារកម្មយោធាជាន់ខ្ពស់អ៊ុយក្រែនថា នេះថាជាទណ្ឌកម្មរបស់ព្រះ។

អភិបាលក្រុងមូស្គូ លោក Mikhail Razvozhaev បាននិយាយនៅលើកម្មវិធីផ្ញើសារ Telegram កាលពីថ្ងៃសៅរ៍ថា អ្នកជំនាញបានពិនិត្យទីតាំង ហើយ “វាច្បាស់ណាស់ថាមានតែយន្តហោះគ្មានមនុស្សបើកមួយប៉ុណ្ណោះ ដែលអាចទៅដល់អាងស្តុកប្រេង” ។

លោកនិយាយបន្ថែមទៀតថា មិនមាននរណាម្នាក់រងរបួសនៅក្នុងអគ្គិភ័យនេះទេ ហើយយន្តហោះគ្មានមនុស្សបើកមួយទៀតត្រូវបានធ្លាក់ បំណែករបស់វាត្រូវបានរកឃើញនៅលើច្រាំងក្បែរស្ថានីយ។

យ៉ាងណាមិញ មន្ត្រីចារកម្មយោធាជាន់ខ្ពស់អ៊ុយក្រែនបានប្រាប់ប្រព័ន្ធផ្សព្វផ្សាយក្នុងស្រុកថា កន្លែងប្រើប្រាស់ដោយកងនាវាសមុទ្រខ្មៅរបស់កងទ័ពជើងទឹករុស្ស៊ីបានផ្ទុះ។ លោកបានពណ៌នាការបំផ្ទុះនេះថាជាទណ្ឌកម្មរបស់ព្រះ សម្រាប់ការសម្លាប់អ្នកស្រុកក្នុងទីក្រុង Uman ជាទីក្រុងមួយនៅភាគកណ្ដាលប្រទេសអ៊ុយក្រែននាពេលថ្មីៗនេះ។ លោកថា ទណ្ឌកម្មនឹងមានរយៈពេលយូរផងដែរ។

ទោះយ៉ាងណា មន្ត្រីអ៊ុយក្រែនទំនងជានិយាយសំដៅទៅលើការវាយប្រហារដោយមីស៊ីល និងយន្តហោះគ្មានមនុស្សបើកដែលរុស្ស៊ីបានធ្វើកាលពីថ្ងៃសុក្រ ដោយបានស្លាប់មនុស្ស ២៣ នាក់ ក្នុងនោះមានកុមារ ៦ នាក់ក្នុងប្លុកផ្ទះល្វែងអ៊ុយក្រែនកន្លងមក៕

ប្រែសម្រួល៖ សាង ស្រីល័ក្ខ

ប្រភព៖NHK

ចុចអាន៖មេបក្សប្រឆាំង អាហ្វ្រិកខាងត្បូង ព្រមានចាប់លោក ពូទីន បើហ៊ានឈានជើងចូលមកប្រទេសរបស់ខ្លួន