ព័ត៌មានអន្ដរជាតិ

ថៃ ឡើងកម្ដៅរហូតដល់ប្រកាសអាសន្នគ្រោះរាំងស្ងួត ខណៈរថយន្តដឹកទឹកដាក់ពង្រាយតាមភូមិ

បានផុស

២ នាទី មុន

នៅ

ថ្ងៃចន្ទ ៨ ឧសភា ២០២៣

ដោយ

ក្តីបារម្ភអំពីគ្រោះរាំងស្ងួតធ្ងន់ធ្ងរដែលអាចកើតមានក្នុងប្រទេសថៃនាឆ្នាំនេះកំពុងកើនឡើង បន្ទាប់ពីនាយកដ្ឋានផ្លូវជនបទ (RRD) បានបញ្ជាឲ្យការិយាល័យរបស់ខ្លួនទូទាំងប្រទេស រៀបចំការចែកចាយទឹកដល់ប្រជាពលរដ្ឋនៅតាមជនបទ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

RRD ក៏បានប្រកាសនៅលើគេហទំព័ររបស់ខ្លួនថា សាលាខេត្ត និងស្រុក នឹងសហការជាមួយរដ្ឋបាលខេត្តទូទាំងប្រទេស ក្នុងការពង្រាយឡានទឹក ដើម្បីផ្គត់ផ្គង់អ្នកភូមិនៅតំបន់គ្រោះរាំងស្ងួត។ ជាពិសេសត្រូវពិនិត្យផ្លូវនៅតាមអាងស្តុកទឹក និងប្រឡាយធារាសាស្ត្រ ជុំវិញការបារម្ភថា វាអាចនឹងស្រកបានដោយសារកម្រិតទឹកធ្លាក់ចុះ។

ជាមួយគ្នានេះ ក៏បានណែនាំដល់មន្ត្រីរាជការ ឲ្យចុះពិនិត្យផ្លូវជនបទទាំងអស់ នៅតាមអាងស្តុកទឹក និងប្រឡាយធារាសាស្ត្រ រកមើលស្នាមប្រេះ និងសញ្ញាផ្សេងៗ នៃការស្រុត ដែលបណ្ដាលមកពីកម្ពស់ទឹកធ្លាក់ចុះ។ ចំណែកឯផ្លាកសញ្ញាព្រមានអ្នកបើកបរនឹងត្រូវបានដំឡើងនៅតាមផ្លូវដែលរកឃើញថាមានហានិភ័យនៃការបាក់ស្រុត។

សូមរម្លឹកដែរថា នាយកដ្ឋានឧតុនិយមកាលពីខែមុនបានព្រមានថា គ្រោះរាំងស្ងួតនៅឆ្នាំនេះនឹងកាន់តែធ្ងន់ធ្ងរជាងគ្រោះរាំងស្ងួតកាលឆ្នាំ២០១៩និង ២០២០ ស្របពេលដែលនាយកដ្ឋានឧតុនិយម (TMD) ក៏បានឲ្យប្រជាជនឲ្យប្រុងប្រយ័ត្នចំពោះការដាច់សរសៃឈាមខួរក្បាល ក្នុងពេលដែលសីតុណ្ហភាពបានឡើងខ្លាំងហួស៥០អង្សាសេទៅទៀត នៅតំបន់មួយចំនួនក្នុងប្រទេសថៃ៕