(Update) ករណីឆ្លង និងស្លាប់ដោយជំងឺកូវីដ ១៩ នៅលើពិភពលោក ត្រឹមព្រឹកថ្ងៃព្រហស្បតិ៍នេះ

យោងតាមគេហទំព័រ Worldometers គិតត្រឹមថ្ងៃទី ២១ ខែមករា ឆ្នាំ ២០២១ នេះបានឲ្យដឹងថា ចំនួនអ្នកឆ្លងជំងឺកូវីដ ១៩ នៅទូទាំងពិភពលោកបានកើនដល់ ៩៧,៣០៥,៣៥៦ ករណី ខណៈអ្នកស្លាប់មានចំនួន ២,០៨៣,២០៣ នាក់ និងមានអ្នកជាសះស្បើយចំនួន ៦៩,៨៤៧,៥១៥ នាក់ ។

ទន្ទឹមនោះសហរដ្ឋអាមេរិកនៅតែជាប្រទេសដែលមានករណីឆ្លងជំងឺកូវីដ ១៩ ខ្ពស់ជាងគេដដែរដោយមានអ្នកឆ្លងចំនួន ២៤,៩៩៨,៩៧៥ ករណី ខណៈមានអ្នកស្លាប់ចំនួន ៤១៥,៨៩៤ នាក់ និងមានអ្នកជាសះស្បើយ ១៤,៩៦៨,៧១៦ នាក់ ។

ចំណែកឥណ្ឌាគឺជាប្រទេសដែលរងគ្រោះខ្លាំងជាងគេទី ២ នៅលើពិភពលោកដោយមានអ្នកឆ្លងសរុប ១០,៦១១,៧១៩ ករណី ។ ប្រទេសនៅតំបន់អាស៊ីមួយនេះមានអ្នកស្លាប់ចំនួន ១៥២,៩០៦ នាក់ ហើយមានអ្នកជាសះស្បើយ ១០,២៦៥,១៦៣ នាក់ ។

រីឯប្រទេសរងគ្រោះខ្លាំងទី ៣ គឺប្រេស៊ីល ។ ប្រទេសនៅតំបន់អាមេរិកឡាទីនមួយនេះមានករណីឆ្លងជំងឺកូវីដ ១៩ ចំនួន ៨,៦៣៩,៨៦៨ ករណី ។ ប្រទេសនេះមានអ្នកស្លាប់ខ្ពស់ជាងគេទី ២ លើពិភពលោក បន្ទាប់ពីសហរដ្ឋអាមេរិកដោយមានចំនួន ២១២,៨៩៣ នាក់ ខណៈមានអ្នកជាសះស្បើយចំនួន ៧,៥៦៤,៦២២ នាក់ ៕

ប្រែសម្រួលដោយ ៖ ជីវ័ន្ត

ប្រភព ៖ Worldometer