ព័ត៌មានអន្ដរជាតិ

បក្សភឿថៃ ប្ដេជ្ញាជួយរកអាសនៈគ្រប់ចំនួនដើម្បីឲ្យលោក Pita ធ្វើជានាយករដ្ឋមន្ត្រី

បានផុស

១ year មុន

នៅ

ថ្ងៃសុក្រ ១៩ ឧសភា ២០២៣

ដោយ

មេដឹកនាំគណបក្សភឿថៃលោក Cholnan Srikaew បានប្តេជ្ញាកាលពីថ្ងៃព្រហស្បតិ៍ថា គណបក្សរបស់លោកនឹងបញ្ចុះបញ្ចូលឲ្យមានសំឡេងគាំទ្រពីសមាជិកសភាចំនួន ៣៧៦ រូបដើម្បីជ្រើសរើសមេដឹកនាំគណបក្សចលនាឆ្ពោះទៅមុខ លោក Pita Limjaroenrat ធ្វើជានាយករដ្ឋមន្ត្រីបន្ទាប់ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Cholnan បញ្ជាក់ថា “យើងនឹងបញ្ចប់បេសកកម្មដ៏ពិសេសមួយដើម្បីឲ្យលោក Pita ជាប់ឆ្នោតជានាយករដ្ឋមន្ត្រី ហើយយើងនឹងជំរុញឲ្យមានសំឡេងគាំទ្រចំនួន ៣៧៦ ក្នុងសភា ខណៈបច្ចុប្បន្នយើងមានអាសនៈសរុបតែ ៣១៣ ប៉ុណ្ណោះ ដូច្នេះយើងទាំងអស់គ្នាត្រូវតែជួយគ្នាបង្កើតរដ្ឋាភិបាលថ្មី និងបោះឆ្នោតជ្រើសរើសនាយករដ្ឋមន្ត្រីរបស់ប្រជាជនយើង” ។

នៅក្នុងសន្នីសិទសារព័ត៌មានរួមគ្នាជាមួយគណបក្សចំនួន ៨ ផ្សេងទៀតដើម្បីបង្កើតរដ្ឋាភិបាលចម្រុះ, មេដឹកនាំគណបក្សភឿថៃរូបនេះបានឲ្យដឹងទៀតថា “ដើម្បីជាប់ឆ្នោត បេក្ខជននាយករដ្ឋមន្ត្រីត្រូវការសំឡេងគាំទ្រភាគច្រើនក្នុងការបោះឆ្នោតដោយសមាជិកសភាចំនួន ៥០០ រូប និងសមាជិកព្រឹទ្ធសភា ២៥០ រូប” ។

លោក Cholnan សង្កន់ធ្ងន់ថា “ទោះនិយាយ ១០០ ដងទៀតក៏ដោយ ក៏គណបក្សភឿថៃគាំទ្រគណបក្សចលនាឆ្ពោះទៅមុខ ក្នុងឋានៈជាមេដឹកនាំចម្រុះ និងគាំទ្រលោក Pita ជានាយករដ្ឋមន្ត្រីទី៣០ របស់ប្រទេសថៃ ហើយយើងនឹងចូលរួមក្នុងការបង្កើតរដ្ឋាភិបាលមួយដើម្បីបំពេញក្តីស្រមៃរបស់ប្រជាជនយើង” ។

គួរបញ្ជាក់ថា នៅក្នុងការបោះឆ្នោតសកលកាលពីថ្ងៃទី១៤ ខែឧសភាកន្លងទៅ គណបក្សចលនាឆ្ពោះទៅមុខទទួលបានអាសនៈចំនួន ១៥២, គណបក្សភឿថៃទទួលបាន ១៤១ អាសនៈ ខណៈគណបក្សថៃរួបរួមជាតិរបស់លោក ប្រាយុទ្ធ ឈរនៅលេខរៀងទី៥ ដោយទទួលបានត្រឹមតែ ៣៦ អាសនៈប៉ុណ្ណោះក្នុងសភាតំណាងរាស្រ្តចំនួន ៥០០ អាសនៈ ៕