ព័ត៌មានអន្ដរជាតិ

ក្រោយផ្ទុះរដ្ឋប្រហារនៅ រុស្ស៊ី មេទាហានស៊ីឈ្នួលរងការចោទប្រកាន់ សម្រេចដកខ្លួន

បានផុស

៣ years មុន

នៅ

ថ្ងៃអាទិត្យ ២៥ មិថុនា ២០២៣

ដោយ

ទីភ្នាក់ងារព័ត៌មានរដ្ឋ TASS បានរាយការណ៍ថា មេទាហានស៊ីឈ្នួល Wagner Group បានដកខ្លួនចេញពីមូលដ្ឋានយោធានៅក្នុងតំបន់ Rostov ភាគខាងត្បូងនៃប្រទេសរុស្ស៊ី កាលពីល្ងាចថ្ងៃសៅរ៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អភិបាលក្រុង Rostov ក៏បាននិយាយថា ក្បួនរថយន្ត Wagner បានចាកចេញពីតំបន់កាលពីល្ងាចថ្ងៃសៅរ៍ ស្របពេលដែលវីដេអូថតបាននៅកន្លែងកើតហេតុ បង្ហាញពីខ្សែរថក្រោះ និងរថពាសដែកដែលកំពុងធ្វើដំណើរតាមដងផ្លូវ ដោយមានអ្នកស្រុកប្រមូលផ្តុំយ៉ាងច្រើន។

ជាមួយគ្នានេះដែរ ទីភ្នាក់ងារសារព័ត៌មានរដ្ឋមួយផ្សេងទៀតក៏បានចេញផ្សាយវីដេអូនៅលើប្រព័ន្ធផ្សព្វផ្សាយសង្គម ហើយបង្ហាញពីមេទាហានស៊ីឈ្នួល Wagner Group លោក Yevgeny Prigozhin ចាកចេញពីទីស្នាក់ការយោធាស្រុកនៅ Rostov ខណៈលោកត្រូវហ៊ុំព័ទ្ធដោយមនុស្សជាច្រើននាក់ និងត្រូវគេឃើញដើរចេញពីអគារមួយ ហើយចូលក្នុងរថយន្តភ្លាមៗ។

សូមរម្លឹកដែរថា លោក Yevgeny Prigozhin បានអះអាងកាលពីថ្ងៃសៅរ៍ថា កងកម្លាំងរបស់លោកបានគ្រប់គ្រងទីតាំងយោធាក្នុងតំបន់ ប៉ុន្តែក្រោយមកលោកបានចេញមុខបកស្រាយពាក់ព័ន្ធនឹងរឿងរ៉ាវដែលបានចោទប្រកាន់រូបលោកពីបទប៉ុនប៉ងធ្វើរដ្ឋប្រហារនៅរុស្ស៊ីថា “នេះមិនមែនជារដ្ឋប្រហារយោធានោះទេ ប៉ុន្តែជាការដើរដង្ហែរក្បួនរកយុត្តិធម៌សម្រាប់ក្រុមទាហានស៊ីឈ្នួលរបស់យើងប៉ុណ្ណោះ”៕