មូលហេតុផ្ទុះយានជ្រមុជទឹក Titan កំពុងត្រូវបានស៊ើបអង្កេត

ឆ្មាំឆ្នេរសមុទ្រអាមេរិកកាលពីថ្ងៃអាទិត្យ ទី២៥ ខែមិថុនា កំពុងស៊ើបអង្កេតមូលហេតុនៃការផ្ទុះយានជ្រមុជទឹក Titan ដែលសម្លាប់អ្នកជិះ ៥ នាក់ ពេលកំពុងធ្វើដំណើរចុះទៅបាតមហាសមុទ្រអាត្លង់ទិក ដើម្បីមើលខ្មោចកប៉ាល់ទីតានិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកាសនេះ ធ្វើឡើងមួយថ្ងៃ បន្ទាប់ពីក្រុមប្រឹក្សាសុវត្ថិភាពដឹកជញ្ជូនរបស់ប្រទេសកាណាដា និយាយថា ពួកគេក៏កំពុងស៊ើបអង្កេតឧប្បត្តិហេតុនេះដែរ ។

លើសពីនេះ ឆ្មាំឆ្នេរសមុទ្រអាមេរិកក៏កំពុងសហការជាមួយក្រុមប្រឹក្សាសុវត្ថិភាពដឹកជញ្ជូន ក៏ដូចជាអាជ្ញាធរបារាំង និងអង់គ្លេសផងដែរ ។

ប្រធានផ្នែកស៊ើបអង្កេតលោក Jason Neubauer បាននិយាយថា ប្រតិបត្តិការស្រង់បំណែកយានជ្រមុជទឹកពីបាតសមុទ្រ កំពុងបន្ត ខណៈទីតាំងកើតហេតុ​ត្រូវ​បានគូស​ផែនទី​រួចហើយ។

លោក Neubauer គូសបញ្ជាក់ថា “នេះគឺជាការស៊ើបអង្កេតកម្រិតខ្ពស់បំផុត ដែលធ្វើឡើងដោយឆ្មាំសមុទ្រអាមេរិក។ គោលដៅចម្បងរបស់យើង គឺត្រូវទប់ស្កាត់ការកើតឡើងរឿងបែបនេះជាថ្មីម្តងទៀត។ ការរកឃើញនេះ នឹងត្រូវចែករំលែកជាមួយអង្គការដែនសមុទ្រអន្តរជាតិ និងក្រុមផ្សេងទៀតក្នុងគោលបំណង ជួយកែលម្អក្របខ័ណ្ឌសុវត្ថិភាព សម្រាប់ប្រតិបត្តិការនាវាមុជទឹកនៅទូទាំងពិភពលោក”។

លោកបន្តថា អ្នកស៊ើបអង្កេតកំពុងទាក់ទងជាមួយក្រុមគ្រួសារនៃមនុស្សទាំង៥នាក់ ដែលជិះក្នុងយាន Titan ហើយថា អ្នកស៊ើបអង្កេតកំពុងចាត់វិធានការប្រុងប្រយ័ត្នទាំងអស់ ប្រសិនបើយើងជួបប្រទះសាកសព៕

ប្រែសម្រួល៖ Vann Vann

ប្រភព៖ DW

ចុចអាន៖ ព្រោះតែកំណប់មហាសាលទាំង៥នេះហើយ ទើបទេសចរ ប្រថុយជីវិតជិះយានចុះទៅតំបន់ ខ្មោចកប៉ាល់ទីតានិក