ព័ត៌មានអន្ដរជាតិ
យានជ្រមុជទឹក Titan នឹងត្រូវគេផ្គុំឡើងវិញ
ក្រោយស្រង់បំណែកឡើងគោក ក្រុមអ្នកស៊ើបអង្កេតអំពីសោកនាដកម្មនាវាជ្រមុជទឹក Titan អាចផ្គុំផ្នែកយាននេះឡើងវិញ ដើម្បីបញ្ជាក់ពីចំណុចខ្សោយដែលបណ្តាលឲ្យវាផ្ទុះ។
កាលពីថ្ងៃពុធ ទី២៨ ខែមិថុនា បំណែកមួយចំនួននៃយាននេះ ត្រូវបានស្រង់ចេញពីមហាសមុទ្រ រួមទាំងក្បាល និងកន្ទុយរបស់វាផងដែរ ខណៈការរកឃើញនេះ ធ្វើឲ្យអ្នកជំនាញមានការភ្ញាក់ផ្អើល បន្ទាប់ពីពួកគេសង្ស័យថា យាន Titan ត្រូវបានបំផ្លាញ ពេលវាផ្ទុះសម្លាប់មនុស្សចំនួន ៥ នាក់ អំឡុងពេលធ្វើដំណើរទៅបាតមហាសមុទ្រអាត្លង់ទិក ដើម្បីមើលខ្មោចកប៉ាល់ទីតានិក។
ទន្ទឹមនោះ គេគិតថា សមាសធាតុទីតានីញ៉ូមរបស់យាននេះ អាចទប់ទល់នឹងគ្រោះមហន្តរាយបានប្រសើរជាង ប៉ុន្តែផ្នែកដែលមានជាតិសរសៃកាបូន រួមទាំងតួយានផងដែរនោះ ទំនងជាខ្ទេចទៅជាបំណែកតូចៗបាត់ទៅហើយ។
លោក Tom Maddox នាយកប្រតិបត្តិនៅកក្រុមហ៊ុន Underwater Investigators បានប្រាប់ DailyMail.com ថា “យើងនាំគ្នាសង្ស័យក្នុងករណីដ៏មហន្តរាយនេះ មានផ្នែកជាច្រើនត្រូវបែកខ្ទេច ជាពិសេសផ្នែកដែលមិនមែនជាទីតានីញ៉ូម។ ជាការពិតណាស់ វានឹងធ្វើឲ្យការស៊ើបអង្កេតកាន់តែពិបាក ហើយលុះត្រាណា យើងរកឃើញបំណែកធំៗ ទើបយើងអាចផ្គុំវាឡើងវិញបាន”។
ក្រៅពីក្បាល និងកន្ទុយ បំណែកផ្សេងទៀតដែលបានស្រង់ចេញពីមហាសមុទ្រគឺមាន ខ្សែភ្លើង ខ្សែកាប និងអ្វីៗផ្សេងទៀតហាក់ដូចជាប្រព័ន្ធខាងក្នុងរបស់យាន Titan។
លើសពីនេះ មន្ត្រីឆ្មាំឆ្នេរសមុទ្រនិយាយថា ពួកគេបានរកឃើញបំណែកសាកសព ដែលឥឡូវនេះនឹងត្រូវដឹកតាមកប៉ាល់ ទៅកាន់កំពង់ផែមួយនៅសហរដ្ឋអាមេរិក ដើម្បីធ្វើតេស្ត និងវិភាគ៕
ប្រែសម្រួល៖ Vann Vann
ប្រភព៖ Daily Mail
ចុចអាន៖ រកឃើញហើយ បំណែកសាកសពមនុស្ស ក្នុងកម្ទេចកម្ទីយានជ្រមុជទឹក Titan
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៦ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ