គ្រោះទឹកជំនន់ និងការរអិលបាក់ដី សម្លាប់មនុស្ស ២៦ នាក់នៅ កូរ៉េខាងត្បូង

ភ្លៀងធ្លាក់ខ្លាំង ទឹកជំនន់ និងការរអិលបាក់ដីជាច្រើនថ្ងៃនៅក្នុងតំបន់ធំៗនៃប្រទេសកូរ៉េខាងត្បូង បានបណ្តាលឲ្យមនុស្សយ៉ាងហោចណាស់ ២៦នាក់បាត់បង់ជីវិត ។

ជំនន់ទឹកភ្លៀងបានវាយប្រហារតំបន់ធំៗជាច្រើន ចាប់ពីភាគខាងលិចខេត្ត South Chungcheong ទៅដល់ភាគខាងកើតខេត្ត North Gyeongsang ដែលកើតមានឡើងតាំងតែពីថ្ងៃព្រហស្បតិ៍មកម្ល៉េះ ខណៈរដ្ឋបាលឧតុនិយមកូរ៉េខាងត្បូងបានព្រមានថា ភ្លៀងធ្លាក់ខ្លាំងក៏នឹងកើតមានជាច្រើនថ្ងៃបន្ថែមទៀតផងដែរ ។

ទន្ទឹមនោះ ទីស្នាក់ការកណ្តាលនៃវិធានការទប់ទល់គ្រោះមហន្តរាយរបស់ប្រទេសនេះបាននិយាយដែរថា ជនរងគ្រោះភាគច្រើនបានស្លាប់ក្នុងការរអិលបាក់ដី ឬបន្ទាប់ពីត្រូវបានទឹកហូរចូលទៅក្នុងទន្លេ ខណៈគិតត្រឹមម៉ោង ១១ យប់ថ្ងៃសៅរ៍ ក៏មានអ្នកបាត់ខ្លួនសរុប ១០ នាក់ផងដែរ ។

ស្របពេលជាមួយគ្នានេះ ប្រធានទីស្នាក់ការលោក Yoon Suk-yeol ក៏​បានចេញ​បញ្ជា​ឲ្យ​លោកនាយក​រដ្ឋមន្ត្រី Han Duck-soo ខិតខំប្រឹងប្រែង​គ្រប់​យ៉ាង​ដើម្បី​ការពារ​គ្រោះ​មហន្តរាយមួយនេះ ដោយសារតែទឹក​ហូរខ្លាំង និង​ការ​បាក់​ដី​នៅ​តែ​ជា​ការ​គំរាម​កំហែងដល់ប្រជាពលរដ្ឋ ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ ទឹកជំនន់ វាយប្រហារទូទាំងទ្វីបអាស៊ី សម្លាប់មនុស្សរាប់រយនាក់