ព័ត៌មានអន្ដរជាតិ
រុស្ស៊ី បាញ់មីស៊ីលដាក់ស្រុកកំណើតលោក Zelensky សម្លាប់មនុស្ស ៦នាក់
ប្រទេសរុស្ស៊ី បានបើកការវាយប្រហារដោយមីស៊ីលលើទីក្រុង Kryvyi Rih របស់អ៊ុយក្រែនដោយសម្លាប់មនុស្សចំនួន៦នាក់ រួមទាំងក្មេងស្រីអាយុ១០ឆ្នាំម្នាក់និងម្តាយរបស់នាងផងដែរ។
រដ្ឋមន្ត្រីក្រសួងមហាផ្ទៃអ៊ុយក្រែននិយាយថា មនុស្សចំនួន៦៩នាក់ផ្សេងទៀត បានរងរបួស ពេលដែលមីស៊ីលធ្លាក់លើអគារខ្ពស់ និងសាកលវិទ្យាល័យមួយ នៅម៉ោង៩ព្រឹក ថ្ងៃចន្ទទី៣១ខែកក្កដា (ពេលវេលានៅអ៊ុយក្រែន)។
ជាស្រុកកំណើតរបស់លោកប្រធានាធិបតី Volodymyr Zelensky, ទីក្រុង Kryvyi Rih ដែលមានប្រជាជន៦០ម៉ឺននាក់ គឺតែងតែជាគោលដៅសម្រាប់ការវាយប្រហាររបស់រុស្ស៊ី។
កាលពីខែមិថុនា មនុស្សចំនួន១១នាក់បានស្លាប់ និង២៨នាក់ផ្សេងទៀតរងរបួសនៅក្នុងទីក្រុងនេះ បន្ទាប់ពីរុស្ស៊ីបើកការវាយប្រហារដោយមីស៊ីលទ្រង់ទ្រាយធំ ទៅលើអគារស៊ីវិល។
ក្នុងរយៈពេលប៉ុន្មានសប្តាហ៍ថ្មីៗនេះ ប្រទេសរុស្ស៊ី បាននិងកំពុងបង្កើនការវាយប្រហារ លើគោលដៅជនស៊ីវិល ហើយលោក Mykhailo Podolyak ជាទីប្រឹក្សាកំពូលរបស់លោក Zelensky បានចោទប្រកាន់ទីក្រុងមូស្គូថា បានបើកការវាយប្រហារ “ប្រល័យពូជសាសន៍” លើជនជាតិអ៊ុយក្រែន។
ទោះបីជាយ៉ាងណាក៏ដោយ ទីក្រុងមូស្គូបានបដិសេធឥតឈប់ឈរថា ខ្លួនស្វែងរកគោលដៅជនស៊ីវិល ប៉ុន្តែមេដឹកនាំលោកខាងលិច រួមទាំងប្រធានាធិបតីអាមេរិក លោក Joe Biden ផងដែរ បានចោទរុស្ស៊ីថា បានទម្លាក់គ្រាប់បែកជាញឹកញាប់លើតំបន់ដែលមិនមានយោធា។
ទន្ទឹមនោះ កាលពីដើមខែនេះ អង្គការសហប្រជាជាតិបញ្ជាក់ថា មានជនស៊ីវិលចំនួន ២៥៦៧១ នាក់ត្រូវបាត់បង់ជីវិត ចាប់តាំងពីរុស្ស៊ីចាប់ផ្តើមការលុកលុយចូលអ៊ុយក្រែនកាលពីឆ្នាំមុន ថ្វីបើតួលេខពិតប្រាកដទំនងជាខ្ពស់ជាងនេះឆ្ងាយក៏ដោយ៕
ប្រែសម្រួល៖ Vann Vann
ប្រភព៖ BBC
ចុចអាន៖ ក្រោយលោក Zelensky ថា សង្រ្គាមវិលត្រលប់ទៅរុស្ស៊ីវិញ ស្រាប់តែលោក Medvedev គំរាមបាញ់នុយក្លេអ៊ែរ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ