Mark Zuckerberg និយាយថា Elon Musk ដូចលេងសើចពេកហើយ រឿងប្រកួតក្នុងទ្រុង

សង្គ្រាមពាក្យសម្តី​ឌឺដងរវាងមហាសេដ្ឋីប្រាក់ពាន់លានដុល្លារ​របស់ពិភពទាំងពីរនៅលើបណ្តាញសង្គម​ ពាក់ព័ន្ធទៅនឹងពេលវេលានៃការប្រកួតវាយក្នុងទ្រុង នៅតែឆ្លងឆ្លើយគ្នាទៅវិញទៅមកឥតឈប់ឈរឡើយ ។

ពាក់ព័ន្ធនឹងបញ្ហានេះដែរ លោក Mark Zuckerberg អះអាងថា លោក Elon Musk ដូចជាកំពុងលេងសើចពេកហើយ ជាពិសេសគឺភាពមិន​ប្រាកដ​ប្រជាក្នុងការវាយក្នុងទ្រុងតែម្ដង ។

លោក Mark Zuckerberg បញ្ជាក់នៅក្នុងបណ្តាញ​សង្គម Threads របស់លោកថា ស្ថានភាព Elon Musk ដូចជាមិនសូវធ្ងន់ធ្ងរឡើយ​ ហើយលោកបានក៏ផ្ញើថ្ងៃវាយគ្នាពិតប្រាកដទៅឲ្យ Elon Musk រួចហើយផងដែរ គឺនៅថ្ងៃទី ២៦ ខែសីហានេះ ប៉ុន្តែ​គាត់បែរជានិយាយថា ជាប់រវល់ចូលពេទ្យវះកាត់ទៅវិញ ។

ដោយឡែក​ ជាការឆ្លើយតប Elon Musk បានហៅលោក Mark Zuckerberg វិញថា ជាកូនមាន់តូច ។ ដូចនេះ ការវាយ ឬមិនវាយ មានតែបន្តរង់ចាំមើលថា តើការឌឺដងបញ្ឆិតបញ្ឆៀងគ្នាទៅវិញទៅមកបែបនេះ មានឥទ្ធិពលកម្រិតណា​ទើបនាំឲ្យលោកមហាសេដ្ឋី​ទាំងពីរឡើងសង្វៀនប្រកួតគ្នាបាន ៕

ប្រែសម្រួល៖ នាង រតនៈ

ប្រភព៖ Anadolu