ព័ត៌មានអន្ដរជាតិ
រឿងរ៉ាវដ៏ឈឺចាប់កើតឡើងលើគ្រួសារ ចិន ក្រោយកូនត្រូវចាប់ជំរិតកាលពី ១០ឆ្នាំមុន
កូនប្រុសដែលត្រូវគេចាប់ជំរិតកាលពី១០ឆ្នាំមុនត្រឡប់មកផ្ទះវិញ ខណៈពេលដែលសាច់ញាតិកំពុងប្រារព្ធពិធី ហើយរីករាយជំនួសឲ្យការសប្បាយរីករាយក្រោយជួបកូនម្ដងទៀត ម្ដាយបានទូរស័ព្ទទៅប៉ូលិសស្ងាត់ៗ។
ត្រឡប់ទៅវិញកាលពី១០ឆ្នាំមុន នៅខេត្តស៊ីឈួន ប្រទេសចិន ពេលនោះលោកយាយ Chung (ហៅក្រៅ) និងលោក Tian (ហៅក្រៅ) ប្ដីប្រពន្ធនេះបានផ្លាស់ទៅខេត្តផ្សេង។ នៅថ្ងៃដែលក្រុមគ្រួសារបានទៅស្ថានីយរថភ្លើងដើម្បីធ្វើដំណើររបស់ខ្លួន ហេតុការណ៍ដ៏សោកសៅមួយបានកើតឡើង។
ក្នុងពេលដែលអ្នកស្រី Chung និងកូនប្រុសកំពុងរង់ចាំប្តីដើម្បីទិញសំបុត្រ ស្រាប់តែមានជនចម្លែកមួយក្រុមបានមករកនាង។ ក្រុមនេះបាននិយាយថា អីវ៉ាន់របស់គាត់មានលក្ខណៈស្រដៀងនឹងអីវ៉ាន់មួយដែលគេលួចហើយចង់ពិនិត្យមើលថាតើនេះជាអីវ៉ាន់របស់ពួកគេឬអត់។
នៅពេលឮរឿងនេះ អ្នកស្រីបានបដិសេធហើយនិយាយថា វ៉ាលីសនេះជារបស់គ្រួសារនាង។ ប៉ុន្តែក្រុមនោះមិនជឿ ហើយទទូចឲ្យអ្នកស្រីបើកកាបូបដើម្បីពិនិត្យ។ ដោយសារតែជិតដល់ពេលរថភ្លើងចេញដំណើរ អ្នកស្រី Chung បានយល់ព្រមបើកវ៉ាលីសដើម្បីត្រួតពិនិត្យ។ នៅពេលបើករួច ក្រុមមនុស្សចម្លែកបានរកឃើញថា វាមិនមែនជារបស់ពួកគេទេ។ ហើយភ្លាមនោះបានសុំទោសអ្នកស្រី ដោយនិយាយថាច្រឡំ បន្ទាប់មកពួកគេបានចាកចេញយ៉ាងលឿន។
រឿងនេះបានកើតឡើងយ៉ាងលឿនធ្វើឲ្យលោកស្រី Chung មានការភ្ញាក់ផ្អើលយ៉ាងខ្លាំង នៅពេលដឹងថាកូនប្រុសអាយុ៧ឆ្នាំបាត់ខ្លួន។ គាត់និងស្វាមីបានតាមរកកូនប្រុសនៅគ្រប់ទីកន្លែងក្នុងស្ថានីយ ប៉ុន្តែរកមិនឃើញ ទើបសម្រេចប្ដឹងប៉ូលិសដើម្បីសុំជំនួយ។
ទោះយ៉ាងណា ប៉ូលិសបានរកឃើញថា ទីតាំងរបស់គាត់និងកូនប្រុសជាមុំដែលកាមេរ៉ាបាញ់ទៅមិនដល់។ ជាងនេះទៅទៀត ក្រុមមនុស្សចម្លែកហាក់ដូចជាបានសិក្សាទីតាំងកាមេរ៉ានៅស្ថានីយ៍នេះយ៉ាងយកចិត្តទុកដាក់។ ពួកគេបានបិទមុខរបស់ពួកគេ ហើយផ្លាស់ទីទៅកន្លែងដែលកាមេរ៉ាមិនអាចទៅដល់បាន។ ដោយរៀបចំយ៉ាងយកចិត្តទុកដាក់ ប៉ូលិសបានចាត់ទុកថានេះជាការចាប់ពង្រត់កុមារដែលមានការគ្រោងទុក និងរៀបចំយ៉ាងល្អិតល្អន់។ ប៉ុន្តែដោយសារតែភស្តុតាង និងព័ត៌មានរបស់ជនទុច្ចរិតមានតិច។ ការស្វែងរកក្មេងប្រុសអាយុ ៧ឆ្នាំគឺស្ទើរតែដូចជាការស្វែងរកម្ជុលនៅក្នុងមហាសមុទ្រ។
ជួបគ្នាម្តងទៀត ក្រោយបែកគ្នា១០ឆ្នាំ
ការឈឺចាប់ក្នុងការបាត់បង់កូនបាននៅជាមួយក្រុមគ្រួសាររបស់លោកស្រីអស់រយៈពេលជាច្រើនឆ្នាំមកហើយ។ រហូតដល់ថ្ងៃមួយ ក្មេងប្រុសចម្លែកម្នាក់បានបង្ហាញខ្លួននៅក្នុងភូមិនិងអះអាងថាត្រូវគេចាប់ពង្រត់ ឥឡូវគាត់ចង់ត្រឡប់ទៅស្រុកកំណើតវិញដើម្បីស្វែងរកសាច់ញាតិ។ ពីការសួរនាំអ្នកភូមិបានរកឃើញថាព័ត៌មាននេះត្រូវគ្នានឹងគ្រួសាររបស់អ្នកស្រី។ អ្នករាល់គ្នាបានប្រាប់គាត់និងស្វាមីរបស់នាងឲ្យមកយកក្មេងប្រុសនោះភ្លាម។
គ្រាដែលសាច់ញាតិអបអរសាទរក្រុមគ្រួសារដែលបានជួបជុំគ្នាម្ដងទៀត។ ក្រោយបែកគ្នាអស់១០ឆ្នាំ អ្នកស្រី Chung បានជូតទឹកភ្នែក ហើយលួចទៅទូរស័ព្ទឲ្យប៉ូលិសបានដឹងដោយស្ងាត់ៗ។ អ្នកស្រីបានប្រាប់ប៉ូលិសថា ថ្វីត្បិតតែក្មេងប្រុសនោះមានអាយុដូចគ្នាទៅនឹងកូនប្រុសរបស់គាត់និងអាចផ្តល់ព័ត៌មានលម្អិត ប៉ុន្តែគាត់រកឃើញថានៅក្រោមសក់នៅលើថ្ងាសរបស់ក្មេងនេះគ្មានស្លាកស្នាមដូចកូនប្រុសរបស់គាត់ទេ។
ព័ត៌មានអាចក្លែងក្លាយ ប៉ុន្តែស្នាមរបួសរបស់កូនប្រុសគាត់មិនដែលច្រឡំទេ។ គាត់ជឿថាជននេះស្ថិតក្នុងក្រុមចាប់ជំរិតដែលបានត្រឡប់មកវិញដើម្បីបញ្ឆោតគ្រួសារគាត់ ដែលបានទទួលព័ត៌មាន។ ភ្លាមៗនោះប៉ូលិសបានទៅដល់ផ្ទះរបស់លោកស្រី chung ។
បន្ទាប់ពីមួយរយៈនៃការស៊ើបអង្កេត ជនសង្ស័យបានបដិសេធថា គាត់មិនមែនជាក្រុមចាប់ជំរិតទេ ប៉ុន្តែគាត់បានសារភាពថា គាត់ជាសមាជិកអង្គការដែលមានជំនាញក្នុងការបង្ហាញខ្លួនជាជនរងគ្រោះចាប់ជំរិត។
យ៉ាងណាមិញមកដល់ពេលនេះ គ្រួសាររបស់លោកស្រី Chung នៅតែមានការឈឺចាប់ដ៏ក្រៀមក្រំនៃការបាត់បង់កូន។ អ្វីដែលកាន់តែសោកស្ដាយនោះគឺជនចាប់ជំរិតមិនទាន់ត្រូវបានចាប់ខ្លួននៅឡើយ។ ហើយកូនប្រុសនៅមិនទាន់ត្រឡប់មកវិញទេ។ ប៉ុន្តែលោកស្រីនៅតែមិនបាត់បង់ក្តីសង្ឃឹម គាត់ជឿថា ថ្ងៃណាមួយកូនប្រុសប្រាកដជានឹងបង្ហាញមុខមិនខាន៕
ប្រែសម្រួល៖ សាង ស្រីល័ក្ខ
ចុចអាន៖គ្រួសារនៅ ចិន បាត់កូនតាំងពីឆ្នាំ ១៩៩៩ ក្រោយ ១៧ឆ្នាំ ទើបដឹងថារស់នៅផ្ទះទល់មុខគ្នា
អភិបាលខេត្តកំពតលើកឡើងថា គោលនយោបាយលើវិស័យដីធ្លី គឺជាគោលនយោបាយចម្បងក្នុងអាណត្តិទី៧
លោកជំទាវទុយ សិរីរតនៈ នេត្រភក្រ្តា យកអំណោយអង្ករវីតាមីន៣០០កេស ស្មើប្រមាណជិត ៤ តោន ផ្តល់ជូនមន្ទីរពេទ្យតេជោសន្តិភាព
រាជរដ្ឋាភិបាលចេញសារាចរស្តីពី ការរៀបចំខួបអនុស្សាវរីយ៍លើកទី១៣៩ នៃទិវាពលកម្មអន្តរជាតិ ១ឧសភា
ឃាត់ខ្លួនយុវជនម្នាក់វាយស្ត្រីអ្នកសុំទានសរសៃខ្ចីនៅម៉ាត់មួយកន្លែងក្នុងក្រុងសៀមរាប
លោកជំទាវ ឆាយ លក្ខិណា ប្រាប់មូលហេតុដែលជ្រើសផ្តល់មូលនិធិគាំទ្រដល់សមាគមសិល្បករខ្មែរ អណត្តិទី៦
សមត្ថកិច្ចឱ្យបុរសម្នាក់ដែលផ្សាយព័ត៌មានមិនពិតថា ខេត្តតាកែវមានករណីវះក្រលៀន ធ្វើកិច្ចសន្យាឈប់បំពុលសង្គម
នគរបាលរាជធានី ឃាត់ខ្លួនអនុប្រធានគណបក្សកម្លាំងជាតិ មួយរូប ពីបទ ញុះញង់បង្កឲ្យមានភាពវឹកវរធ្ងន់ធ្ងរដល់សន្តិសុខសង្គម
ក្មេងស្រីអាយុ៤ឆ្នាំលក់ផ្កា៖ សម្ដេចតេជោ ស្នើកុំវែកញែករឿងកេងប្រវ័ញ្ចពលកម្មកុមារ មុនរឿងក្រពះ និងបញ្ហាគ្រួសារ
Breaking News៖ អគ្គិភ័យកំពុងឆេះឃ្លាំងស្តុកម៉ាស៊ីនត្រជាក់នៅខណ្ឌច្បារអំពៅ
ប៉ូឡូញ ចល័តយន្តហោះចម្បាំងយ៉ាងបន្ទាន់បំផុត ក្រោយរុស្ស៊ី វាយអ៊ុយក្រែន កៀកព្រំដែនខ្លួន
-
ចរាចរណ៍៣ ថ្ងៃ agoស្នងការរងខេត្តឧត្ដរមានជ័យម្នាក់ គាំងបេះដូងស្លាប់ពេលបើកបររថយន្ដ រួចជ្រុលបុករថយន្តមួយគ្រឿងទៀត
-
ព័ត៌មានអន្ដរជាតិ១ សប្តាហ៍ agoខេត្ត Phuket របស់ថៃរងការវាយប្រហារដោយទឹកជំនន់ភ្លាមៗ ក្រោយមានភ្លៀងធ្លាក់ខ្លាំង
-
ព័ត៌មានជាតិ១៦ ម៉ោង agoសមត្ថកិច្ចឱ្យបុរសម្នាក់ដែលផ្សាយព័ត៌មានមិនពិតថា ខេត្តតាកែវមានករណីវះក្រលៀន ធ្វើកិច្ចសន្យាឈប់បំពុលសង្គម
-
ព័ត៌មានជាតិ២ ថ្ងៃ agoសម្តេចធិបតី៖ ការប្រគល់វត្ថុបុរាណពីថៃជូនកម្ពុជាវិញ ជាការវិលត្រឡប់ដួងព្រលឹងបុព្វបុរសខ្មែរ
-
ព័ត៌មានអន្ដរជាតិ១ សប្តាហ៍ agoរុស្ស៊ី បង្ហាញឈ្មោះ៤ប្រទេស ដែលនឹងភ្លក់គ្រាប់របស់ខ្លួនមុនគេ ពេលផ្ទុះសង្គ្រាមធំ
-
សុខភាព៤ ថ្ងៃ agoដំណឹងល្អ! កម្ពុជានឹងដាក់ឱ្យប្រើប្រាស់ថ្នាំព្រឹបប្រភេទចាក់បង្ការ មុនពេលប្រឈមនឹងការឆ្លងមេរោគអេដស៍ នៅខែឧសភា ខាងមុខ
-
ព័ត៌មានអន្ដរជាតិ២ ថ្ងៃ agoលើកនេះ រុស្ស៊ី ដាក់លក្ខខណ្ឌស្រួលមួយទៅអ៊ុយក្រែន បើចង់ចរចា ឈានទៅការបញ្ចប់សង្គ្រាមមែន
-
សន្តិសុខសង្គម២២ ម៉ោង agoនគរបាលរាជធានី ឃាត់ខ្លួនអនុប្រធានគណបក្សកម្លាំងជាតិ មួយរូប ពីបទ ញុះញង់បង្កឲ្យមានភាពវឹកវរធ្ងន់ធ្ងរដល់សន្តិសុខសង្គម