ព័ត៌មានអន្ដរជាតិ
រុស្ស៊ី ថា លោកខាងលិច ចង់បង្កើត អ៊ុយក្រែនទីពីរ ចេញពីបេឡារុស
អនុលេខាធិការក្រុមប្រឹក្សាសន្តិសុខរុស្ស៊ីលោក Alexey Shevtsov បានប្រាប់កាសែតរុស្ស៊ីក្នុងបទសម្ភាសន៍មួយថា លោកខាងលិចចង់បង្កើត “អ៊ុយក្រែនទីពីរ” ចេញពីប្រទេសបេឡារុស តាំងតែពីមុនប្រតិបត្តិការសឹករបស់រុស្ស៊ីលើអ៊ុយក្រែនមកម្ល៉េះ ។
លោក Shevtsov បានលើកឡើងថា “បណ្ដាប្រទេសលោកខាងលិច ចង់បង្កើតអ៊ុយក្រែនទីពីរនៅប្រទេសមួយទៀតដើម្បីប្រឆាំងនឹងរុស្ស៊ី តាមរយៈការបង្កើនសម្ពាធផ្នែកយោធា នយោបាយ និងឧបត្ថម្ភដោយបើកចំហដល់សេដ្ឋកិច្ចទីក្រុង Minsk ជាពិសេសអ្នកគាំទ្រក្រុមប្រឆាំងនៅបេឡារុសទទួលបានការបណ្ដុះបណ្ដាលពីក្រុមសកម្មប្រយុទ្ធ” ។
មន្ត្រីរូបនេះបានបន្ថែមថា ទណ្ឌកម្មរបស់លោកខាងលិចមានផលប៉ះពាល់បញ្ច្រាសនឹងរដ្ឋាភិបាលទីក្រុងមូស្គូ ហើយមិនបានដាក់សម្ពាធដល់រុស្ស៊ីឡើយ ប៉ុន្តែបែរជាបានពង្រឹងទំនាក់ទំនងរវាងទីក្រុងមូស្គូ និងទីក្រុង Minsk ឲ្យកាន់តែរឹងមាំថែមទៀតទៅវិញ ។
លោក Shevtsov បានសង្កត់ធ្ងន់ថា ដូច្នេះហើយ ការដាក់ពង្រាយអាវុធនុយក្លេអ៊ែរយុទ្ធសាស្ត្ររបស់រុស្ស៊ីនៅក្នុងប្រទេសបេឡារុស គឺជាការឆ្លើយតបទៅនឹងសកម្មភាពដ៏គឃ្លើនរបស់បស្ចិមប្រទេស នៅជិតព្រំដែននៃសហភាពសហព័ន្ធរុស្ស៊ី និងបេឡារុស ។
ជាចុងក្រោយអនុលេខាធិការក្រុមប្រឹក្សាសន្តិសុខរុស្ស៊ីរូបនេះបញ្ជាក់ថា “សកម្មភាពរបស់អ្នកជិតខាងលោកខាងលិចរបស់យើងនៅជិតព្រំដែននៃរដ្ឋសហភាព បានបង្ខំឲ្យយើងចាត់វិធានការសងសឹក រួមទាំងការដាក់ពង្រាយអាវុធនុយក្លេអ៊ែរយុទ្ធសាស្ត្ររបស់រុស្ស៊ីនៅក្នុងប្រទេសបេឡារុស និងការបង្កើនសក្តានុពលប្រយុទ្ធនៅដែនអាកាសផងដែរ” ៕
ប្រែសម្រួលដោយ ៖ ជីវ័ន្ត
ប្រភព ៖ Sputnik
ចុចអាន ៖ តើលោកខាងលិចពិតជាទទួលបានផលប្រយោជន៍ពីការស្លាប់របស់មេទាហានស៊ីឈ្នួល រុស្ស៊ី មែនឬ?
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២២ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង