Connect with us

ព័ត៌មានអន្ដរជាតិ

ថៃបន្តរកឃើញអ្នកឆ្លងកូវីដជិត ៨០០ ករណី ខណៈសឹងតែទាំងអស់នៅខេត្តសាមុតសាខន

បានផុស

នៅ

នៅថ្ងៃពុធនេះរដ្ឋាភិបាលថៃបានរាយការណ៍ពីករណីឆ្លងថ្មីនៃជំងឺកូវីដ ១៩ ចំនួន ៧៩៥ ករណីដោយក្នុងនោះ ៧៨៣ ករណីជាករណីឆ្លងក្នុងសហគមន៍ និង ១២ ករណីជាករណីនាំចូល ។

លោក Taweesilp Visanuyothin អ្នកនាំពាក្យមជ្ឈមណ្ឌលគ្រប់គ្រងស្ថានភាពជំងឺកូវីដ ១៩ បាននិយាយថា ក្នុងចំណោមករណីឆ្លងក្នុងសហគមន៍ ៧៨៣ ករណីក្នុងនោះ ៧៥៩ ករណីត្រូវបានរកឃើញនៅក្នុងខេត្តសាមុតសាខន ហើយ ២៤ ករណីទៀតត្រូវបានបញ្ជាក់នៅមន្ទីរពេទ្យ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ករណីថ្មីចំនួន ៧៥៩ ករណីដែលត្រូវបានរកឃើញឆ្លងក្នុងសហគមន៍នៅខេត្តសាមុតសាខន ក្នុងនោះ ប្រជាជនមីយ៉ាន់ម៉ា ៦៦២ នាក់ ជនជាតិថៃ ៩២ នាក់ និងជនជាតិឡាវ ២ នាក់ ។

ចំណែកក្នុងចំណោមករណីទាំង ២៤ ដែលត្រូវបានរកឃើញនៅមន្ទីរពេទ្យ ១៨ នាក់គឺនៅខេត្តសាមុតសាខន ប្រជាជនមីយ៉ាន់ម៉ា ១១ នាក់ និងថៃ ៧ នាក់ ក្រុងបាងកក ៤ នាក់ (ថៃ ៣ នាក់ និងមីយ៉ាន់ម៉ាម្នាក់) និង ២ នាក់ទៀតនៅខេត្ត Tak ម្នាក់ និងខេត្ត Maha Sarakham ម្នាក់ ។

រីឯករណីនាំចូលទាំង ១២ នោះគឺការមកដល់របស់ភ្ញៀវទេសចរដែលធ្វើចត្តាឡីស័កមកពីសហរដ្ឋអាមេរិក ១ ករណី, ចក្រភពអង់គ្លេស ១ ករណី, កាណាដា ១ ករណី, ម៉ាឡេស៊ី ២ ករណី, គុយវ៉ែត ១ ករណី រុស្ស៊ី ១ ករណី, ទួរគី ១ ករណី, និងអារ៉ាប់អារ៉ាប់រួម ៤ ករណី ។

គួរបញ្ជាក់ថា គិតត្រឹមពេលនេះថៃមានករណីឆ្លងជំងឺកូវីដ ១៩ ចំនួន ២១,២៤៩ ករណី និងមានអ្នកស្លាប់ចំនួន ៧៩ នាក់ ខណៈប្រទេសនេះជាប់ចំណាត់ថ្នាក់ទី ១១៥ ក្នុងបញ្ជីឆ្លងលើពិភពលោក ៕

ប្រែសម្រួលដោយ ៖ ជីវ័ន្ត

ប្រភព ៖ Bangkok Post / The Nation

ចុចអាន ៖ ចង់បានលាភសំណាងពេក ប្រជាជនថៃកាន់បាច់ផ្កាដេកក្នុងមឈូសដូចសាកសព

ចុចអាន ៖ សាលារៀនទាំងអស់នៅទីក្រុងមួយរបស់ថៃបើកមិនទាន់បានមួយម៉ោងត្រូវបិទវិញ ក្រោយសិស្សតេស្តវិជ្ជមានកូវីដ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម