ចិន ព្រមានព្យុះទីហ្វុង Koinu ដ៏ខ្លាំងក្លា កំពុងខិតជិតចូលប្រទេស

ចិនបានចេញសេចក្ដីព្រមានអំពីរលកធំៗ ភ្លៀងធ្លាក់ខ្លាំង និងខ្យល់បក់បោកគំហុក ដោយសារព្យុះទីហ្វុង Koinu ខិតទៅជិតខេត្ត ក្វាងទុង (Guangdong) និងកោះហៃណាន (Hainan) ភាគខាងត្បូងនៃប្រទេស។

នៅថ្ងៃសៅរ៍ ទី ៧ ខែតុលា ឆ្នាំ២០២៣ រដ្ឋបាលមហាសមុទ្រនៃរដ្ឋបានចេញការជូនដំណឹងពណ៌ទឹកក្រូចដល់ប្រជាពលរដ្ឋ ដែលពណ៌នេះជាកម្រិតគ្រោះថ្នាក់ខ្ពស់បំផុតទី២ នៅក្នុងប្រព័ន្ធព្រមានទាំង ៤ពណ៌។

បច្ចុប្បន្នព្យុះ Koinu កំពុងធ្វើដំណើរឆ្ពោះទៅភាគខាងលិចតាមបណ្តោយឆ្នេរសមុទ្រភាគខាងត្បូងរបស់ប្រទេសចិនក្នុងល្បឿនពី ៥ ទៅ ១០ គីឡូម៉ែត្រក្នុងមួយម៉ោង ដែលជាមជ្ឈមណ្ឌលឧតុនិយមជាតិ។ គេរំពឹងថា វានឹងចុះខ្សោយទៅជាព្យុះត្រូពិច ចាប់ពីថ្ងៃចន្ទ សប្ដាហ៍ក្រោយ។

មកទល់ពេលនេះ ព្យុះ Koinu បានសម្លាប់មនុស្សម្នាក់ និងរបួសមនុស្សជិត ៤០០នាក់នៅកោះតៃវ៉ាន់ និងបណ្តាលឱ្យមានការខូចខាតហេដ្ឋារចនាសម្ព័ន្ធមួយចំនួននៅនៅឆ្នេរសមុទ្រភាគខាងកើតរបស់កោះនេះ៕

ប្រែសម្រួល៖ សន្យា

ចុចអាន៖ អ៊ីស្រាអែល​ ដាក់ប្រទេសក្នុង គ្រាមានសង្គ្រាម ក្រោយក្រុម Hamas បាញ់រ៉ុកកែតជាង ៥០០០គ្រាប់